Ikipe ya Rayon Sports yatangiye imyitozo yitegura umwaka w’imikino wa 2021/22, iyi imyitozo yagaragayemo abakinnyi benshi basanzwe bakinira iyi kipe, abashya yaguze, ndetse na bamwe bari mu igeragezwa barimo na rutahizamu ukubutse muri Yanga Africans yo muri Tanzania.
Kuri uyu wa Kabiri tariki ya 14 Nzeri 2021,
nibwo Rayon Sports yatangiye imyitozo yitegura umwaka utaha w’imikino, imyitozo
yabereye mu Nzove, ahatangiwe ubutumwa bwibutsa abakinnyi ko intego y’uyu mwaka
ari ukwegukana igikombe cya shampiyona.
Ni
imyitozo yayobowe na Lomami Marcel, umutoza wungirije ndetse n’umutoza wa
kabiri wungirije Dusange Sacha. Masudi Djuma, umutoza mukuru, ari mu Burundi aho
yagiye gushyingura se umubyara uheruka kwitaba Imana.
Iyi myitozo
yitabiriwe n’abakinnyi basanzwe muri Rayon Sports bagifite amasezerano, ndetse
n’abashya bamaze gusinyira iyi kipe barimo Mugisha François bita Master
wagarutse muri iyi kipe avuye muri Bugesera FC, Muvandimwe JMV wavuye muri
Police FC, Mitima Isaac wavuye muri Sofapaka yo muri Kenya, Byumvuhore Trésor
wavuye muri Gasogi United, Mushimiyimana Mohamed wavuye muri APR FC na Mico
Justin wavuye muri Police FC.
Manace
Mutatu na Kwizera Olivier, nibo bakinnyi basanganywe amasezerano batakoze
imyitozo.
Hari
ikindi cyiciro cy’abakinnyi bari mu igeragezwa ry’ibyumweru 2 barimo na
Mackenzie Nizigiyimana wigeze kunyura muri Rayon Sports, ndetse na rutahizamu w’Umurundi,
Muntore Jean Pipi uherutse gutsindwa igeragezwa muri Yanga yo muri Tanzania, Kamoso
wakiniraga ikipe ya AS Muhanga, rutahizamu ukomoka muri Cameroon n’abandi.
Iyi
myitozo ya mbere ikaba yitabiriwe kandi na perezida wa Rayon Sports, Uwayezu
Jean Fidele, wahaye ikaze abakinnyi bashya n’abatoza, abibutsa ko intego y’ikipe
muri uyu mwaka ari ukwegukana igikombe.
Imyitozo ya mbere ya Rayon Sports yagaragayemo abakinnyi bashya benshi
Rutahizamu w'Umurundi Jean Pipi ukubutse muri Yanga Africans ari mu igeragezwa muri Rayon Sports
Mackenzie wakiniye Rayon Sports igihe kirekire ari mu igeragezwa ryo kuyigarukamo
TANGA IGITECYEREZO