Afrobasket 2021– Kuki Ibigugu bikomeje gutungurwa umusubirizo?

Irushanwa ry’uyu mwaka ryatunguye amakipe akomeye mu mukino wa Basketball ku mugabane wa Afurika mu buryo butunguranye, Byatewe ni iki?

Nyuma yo gusezererwa na Senegal ku mugoroba wo ku wa Gatatu tariki ya 01 Nzeri 2021, umutoza w’ikipe y’igihugu ya Angola Josep Clarós, amakipe menshi yagiye azamura Basketball yayo, ariko ayari asanzwe akomeye biboneka ko atazamuye urwego.

Ariya makipe atatu yinjiye mu irushanwa ahabwa amahirwe, ariko yaratunguwe, mu gihe Sudani y'Epfo yaje muri iri rushanwa bwa mbere cyangwa Guinea iri inyuma y'izindi ku rutonde rwa Africa yabashije kugera muri 1/4.

Mu ntangiriro z'iri rushanwa, Anibal Aurelio Manave, Perezida wa FIBA Africa yabwiye BBC ko iyi AfroBasket irimo gutungurana cyane, kuko nta kipe ifite izina rikomeye iri kujya gukina yizeye gutsinda nka kera.

Ku mugoroba wo ku wa Gatatu, Angola yari yatangiye icumbagira yihagazeho mu mukino ukomeye imbere ya Senegal, ariko birangira itsinzwe amanota 79-74.

Bidatunguranye mu wundi mukino wa kabiri wa 1/4 wakurikiyeho Cote d'Ivoire yeretse umuturanyi wayo Guinea ko iyirusha cyane, iyitsinda amanota 98-50.

Senegal na Cote d'Ivoire zizahura muri 1/2, umukino w'amakipe yombi yagaragaje urwego rwo hejuru kuko ataratsindwa umukino n'umwe muri ine amaze gukina i Kigali.

Kuri uyu wa Kane tariki ya 02 Nzeri 2021 mu yindi mukino ya ¼, saa cyenda Tunisia nayo itaratsindwa na rimwe kandi ifite igikombe giheruka irakina na South Sudan.

South Sudan ni ikipe y'abakinnyi bakiri bato n'umutoza Royal Ivey w'imyaka 39 wakinnye muri NBA, uyu akaba kuva umwaka ushize yungirije umutoza Steve Nash wa Brooklyn Nets, aha kandi Ivey atoza Kevin Durant na James Harden bakinanye muri Oklahoma City Thunder.

Saa kumi n'ebyiri Uganda irakina na Cap-Vert.

Hagati ya Tunisia na South Sudan, hamwe na Uganda na Capt-Vert, izitsinda zizahura muri 1/2, mbere ya y’umukino wa bnyuma uzaba ku cyumweru.

Nigeria ya mbere muri Afurika yasezerewe mu irushanwa itageze kure

Angola yatsinzwe na Senegal muri 1/4