Umunya-Nigeria wahawe ubwenegihugu bw’u Rwanda ndetse unakinira ikipe y’igihugu mu mukino wa Basketball, Prince Ibeh, yatangaje ko nta rwitwazo bafite, ahubwo bagerageje bikabananira, nyuma yo gusezererwa na Guinea bakabura itike ya ¼ cy’irushanwa nyafurika rya Afrobasket rikomeje kubera muri Kigali Arena.
Imbere
ya Perezida Paul Kagame n'abafana benshi bayitizaga umurindi, Ikipe y'u Rwanda
yahabwaga amahirwe menshi mbere y'uyu mukino, ariko Guinea yawutsinze ku manota
72 kuri 68.
Guinea
niyo iri inyuma ku rutonde rwa FIBA (21 muri Africa) mu yandi makipe y'ibihugu, ari gukina iki gikombe cya Africa cya Basketball mu bagabo.
Kenny
Gasana yatsinze amanota 28, Prince Ibeh atsinda amanota 10. Nibo bonyine
bagejeje ku mibare ibiri mu gitsindira u Rwanda, n'abandi bagerageje ariko
kenshi bikanga.
Nyuma
y’umukino, Prince Ibeh, yavuze ko nta gisobanuro abakinnyi babona batanga.
Yagize
ati: "Ntabwo ari igitutu, ni ukubura guhuza gusa, ibyo twagombaga gukora
byatunaniye nta rwitwazo twatanga, byatunaniye gusa".
Cheikh
Sarr utoza u Rwanda yabwiye abanyamakuru ati: "Ndababaye cyane…twari
dufite amahirwe, twari dufite ibisabwa byose ngo dutsinde uyu mukino, ariko
ndibaza ko twabuze kuguma ku ntego hamwe na hamwe”.
Ati: "Twageze
aho twitakariza icyizere duhusha bikabije amanota menshi yoroshye, twatakaje
amanota arenga 20 yari kwinjira".
Ni
ubwa mbere Guinea igeze muri 1/4 cy'igikombe cya Africa, kuva mu 1962 ubwo
cyakinwaga bwa gatanu mu Misiri.
Muri
1/4 ku wa gatatu, Guinea izakina n'igihugu gituranyi cya Cote d'Ivoire.
Ibeh avuga ko nta rwitwazo abakinnyi b'u Rwanda bafite ahubwo byabananiye
Ntabwo uyu mukino woroheye u Rwanda
Eng
RSS 
Perezida Kagame na Minisitiri Munyangaju bari bitabiriye uyu mukino
TANGA IGITECYEREZO