Ikipe ya APR FC yamaze gutangaza ko yatandukanye n’uwari umuvugizi wayo Kazungu Clever wari umaze imyaka itanu kuri uyu mwanya.
Kuri uyu wa Mbere tariki ya 19 Nyakanga 2021, ni bwo Ubuyobozi bw’iyi kipe y’Ingabo z’igihugu, APR FC, bwamenyesheje Kazungu ko atakiri umuvugizi wayo mu ibaruwa yashyikirijwe, ndetse nawe abishimangira mu kiganiro cya Siporo cya RadioTv10 ‘Urukiko rw’Imikino‘.
Yagize ati “Guhera uyu munsi ntabwo nkiri Umuvuguzi wa APR FC. Ndashimira iyo myaka maze ndi Umuvugizi wa APR FC, kuri icyo cyizere bangiriye. Nabaye Umuyobozi ntabikekaga. Nabaye Umuvugizi ntabihisemo kuko baricaye bampitamo“.
Kazungu yavuze ko gutandukana na APR FC nta ruhare yabigizemo, ahubwo ubuyobozi bw’ikipe ari bwo bwifuje kutamwongerera amasezerano.
APR FC ntabwo yigeze itangaza umusimbura wa Kazungu kuri uyu mwanya, nyuma y'uko Kazungu asoje amasezerano ntahabwe amashya. Icyakora iyi kipe yashimiye cyane Kazungu ku kazi keza yakoreye iyi kipe mu myaka 5 bamaranye.
Mu 2016 ni bwo Ubuyobozi bwa APR FC bwashyizeho Kazungu Claver usanzwe ari Umunyamakuru w’imikino, ku mwanya w’umuvugizi w’iyi kipe, akaba akuwe kuri izi nshingano yari amazeho imyaka 5.
Kazungu usanzwe ari umunyamakuru w'imikino kuri Radio 10 yakuwe ku mwanya w'umuvugizi wa APR FC yari amazeho imyaka 5
Eng
RSS 
TANGA IGITECYEREZO