Abashinzwe gutegura irushanwa ry’Uburayi ‘Euro 2020’ bamaze gutangaza ko Umuholandi bivugwa ko ariwe musifuzi ukize kurusha abandi ku Isi ariwe uzayobora umukino wa nyuma muri iri rushanwa uteganyijwe mu ijoro ryo ku Cyumweru hagati y’u Bwiongereza n’u Butaliyani.
Ku Cyumweru tariki ya 11 Nyakanga 2021, nibwo hateganyijwe uimukino wa nyuma wa Euro 2020, uzahuza u Bwongereza n’u Butaliyani ku kibuga cya Wembley guhera saa Tatu z’ijoro.
Abashinzwe gutegura iri rushanwa bamaze gutangaza ko Bjorn Kuipers ariwe uzasifura uyu mukino, akaba azafatanya n’abaholandi bagenzi be, barimo Sander van Roekel na Erwin Zeinstra bo ku mpande, umusifuzi wa kane n’umunya Espagne Carlos Del Cerro Grande mu gihe Umudage Bastian Dankert azaba akoresha video assistant referee (VAR).
Muri iri rushanwa, Kuipers amaze gusifura imikino 3 irimo uwa Denmark vs Belgium, Spain vs Slovakia n’uwa ¼ wa Czech Republic vs Denmark.
Indi mikino ikomeye yasifuye, irimo umukino wa nyuma wa Europa League 2018 wahuje Atletico Madrid na Marseille, ndetse yanasifuye umukino wa nyuma wa Champions League wa 2014 wa Atletico Madrid na Real Madrid.
Kuipers yavuzwe cyane muri Gicurasi uyu mwaka, ubwo yari amaze gusifura umukino wa ½ cya Champions League wahuje Manchester City na PSG, yashinjwe gutuka abakinnyi 2 ba PSG barimo Marco Verratti na Leandro Paredes.
Bjorn Kuipers yabarirwaga umutungo wa miliyoni 11.5 muri 2016 ariko ubu yariyongereye cyane ko atahagaritse gukora, ndetse bikaba bivugwa ko ari we musifuzi wa mbere utunze amafaranga menshi ku Isi.
Kuipers yashinjwe gutuka abakinnyi babiri ba PSG barimo Verratti muri Gicurasi
Marcelo yigeze gupfukamiora Kuipers ngo atamuha ikarita muri Champions League birangira ayimuhaye
Eng
RSS 
TANGA IGITECYEREZO