Umunyabigwi wa Manchester United wakinaga aca ku mpande, Ryan Giggs, yagaragaye mu rukiko ahakana ibyaha aregwa byo gufata ku ngufu no guhohotera abagore babiri barimo n’uwahoze ari umukunzi we.
Kuri uyu wa gatatu tariki ya 28 Mata 2021, nibwo Giggs w’imyaka 47 y’amavuko yagejejwe imbere y’urukiko rw’i Manchester, yisobanura ku byaha by’ihohotera yashinjwe mu ntangiriro z’uku kwezi.
Iki kirego cyarezwe Giggs gishobora gutuma yirukanwa mu ikipe y’igihugu ya Wales yari abereye umutoza ndetse ntazanagaragare mu marushanwa y’i Burayi iki gihugu kizitabira muri Kamena.
Giggs yabaye arekuwe by’agateganyo, akaba gomba kugaruka mu rukiko tariki ya 26 Gicurasi, ariko Polisi yo mu mujyi wa Manchester ikaba yamwihanangirije kutagira ibiganiro na bicye azagirana n’abo bagore babiri bamushinja cyangwa ngo ahirahire ajye mu gace batuyemo.
M rukiko, Giggs yahakanye yivuye inyuma ibyaha ashinjwa birimo ko tariki ya 01 Ugushyingo 2020 yahohoteye ndetse akanakomeretsa uwahoze ari umukunzi we mu mujyi wa Manchester, ndetse akanahohotera murumuna wuwo mukobwa kuri uwo munsi.
Ibyaha kandi byo guhohotera uwahoze ari umukunmzi we byagiye bikorwa kenshi mu myaka itatu bamaranye, kuva mu Ukuboza 2017 kugeza mu Ugushyingo 2020.
Giggs yaciye agahigo ko gukina imikino myinshi muri Manchester United, aho yakinnye imikino 963 mbere yuko asezera kuri ruhago mu 2014, akaba yaragizwe umutoza w’ikipe y’igihugu ya Wales mu 2018.
Giggs arashinjwa guhohotera uwahoze ari umukunzi we
Giggs yakoze amateka akomeye muri Manchester United
Eng
RSS 
TANGA IGITECYEREZO