BePawa
Kigali

Urubyiruko rubarizwa muri YAM (Youth against Malaria) rwahuguye abanyeshuri ku buryo Malariya yahashywa burundu

Yanditswe na: Niyibizi Honoré Déogratias
Taliki:27/04/2021 6:25
0


Buri mwaka ku isi hose hizihizwa umunsi mpuzamahanga wo kurwanya Malariya. Ni muri urwo rwego umuryango Youth against Malaria (YAM) wafashe iya mbere mu gukangurira abaturarwanda bose cyane cyane hibandwa ku rubyiruko uburyo malariya ishobora kwirindwa ndetse n’ingamba zikwiriye gufatwa kugira ngo icike burundu.



Mu busanzwe Malariya ni indwara ikunda gushegesha umubiri w’uyirwaye ikaba iterwa na mikorobe zo mu bwoko bwa parasites zitwa plasmodium, ikaba  ikwirakwizwa ku bantu no kurumwa n’umubu w’ingore uzwi nka anophele. Izi parasites ziragenda zigakwirakwira mu mubiri zinyuze mu mwijima, n'uko zigatangira kwangiza uturemangingo dutukura tw’amaraso (red blood cell).

Ni muri urwo rwego urubyiruko rw’ibumbiye mu itsinda rizwi nka YAM (Youth against malaria) rwafashe iya mbere mugukora ubukangurambaga bwo kurwanya Malariya,uru rubyiruko rukaba rwarazengurutse mu bigo by’Amashuri bigisha abanyeshuri uburyo bwo kwirinda Malariya harimo kuryama mu nzitiramubu iteye umuti, idacitse ndetse no mu gihe ugiye kuryama ukayicengeze neza munsi ya matora,gutera umuti mu nzu ndetse no mu gihe bishoboka hakajya hashyirwa  utuyunguruzo mu nzugi no mu madirishya kugira ngo imibu itinjira, gutema ibihuru biri hafi y’urugo ndetse n’ibizenga by’amazi biba biri hafi y’inzu  bigakurwaho kuko ari byo ndiri y’imibu.

YAM ikaba ari itsinda rigizwe n’urubyiruko rugera kuri makumyabiri rikaba ryarashinzwe na NDAYIZEYE Samuel; intego yiri tsinda ni uguharanira ko Malariya yacika burundu,ibi bakaba babikora baciye mu bukangurambaga bagira aho bagenda bigisha uburyo bwo kwirinda iyi ndwara ndetse nicyo umuntu wayirwaye aba agomba gukora.

Ku bufatanye na RBC, RICH ndetse na MEDISAR urubyiruko rubarizwa muri YAM rukaba rwarateguye igikorwa cyabaye hifashishijwe ikoranabuhanga kikitabirwa  na barimo Dr.SIMBA calliope na  Dr.coline karame bagamije kurebera hamwe uko Malariya yahashywa burundu.Urubyiruko rugera kuri 70 rukaba arirwo rwari rwitabiriye aya mahugurwa;nyuma yaya mahugurwa rukaba rwariyemeje gukora ubukangurambaga mubaturage bose hagamijwe guhashya Malariya.

Bwana NDAYIZEYE Samuel washinze iri huriro ry’urubyiruko YAM aganira na INYARWANDA akaba yadutangarije ko yashinze iri huriro kugirango bafatanye na Leta mu kurwanya iyi ndwara ya Malariya kuko ari indwara bishoboka ko yakwirindwa mu gihe ingamba zafashwe za kurikizwa zirimo kuryama mu nzitiramubu iteye umuti, ndetse n’ibizenga by’amazi biba biri hafi y’inzu  bigakurwaho kuko ari byo ndiri y’imibu.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND