Rutahizamu w’umunya-Cameroun wakiniye amakipe akomeye i Burayi arimo FC Barcelona na Arsenal, akaza kwerekeza muri shampiyona ya Djibouti muri Nyakanga umwaka ushize, yakoze amateka nyuma y’iminsi 147 ayigezemo, ubwo yayiheshaga igikombe cya shampiyona igahita inakatisha itike yo kuzakina CAF Champions League 2021/22.
AS Arta Solar7 yegukanye shampiyona y’icyiciro cya mbere muri Djibouti habura imikino ibiri ngo ishyirweho akadomo.
Arta Solar yabigezeho nyuma yo gutsinda Port bahora bahanganye bituma igira amanota 42, irusha Port iyikurikiye amanota 11.
Iyi kipe Song abereye kapiteni yegukanye igikombe inakatisha itike yo kuzakina CAF Champions League mu 2021/22, akaba aricyo gikombe cya mbere uyu munya-Cameroun yegukanye kuva yashyira umukono ku masezerano muri iyi kipe tariki ya 06 Nyakanga 2020, nyuma yuko FC Sion yo mu Busuwisi.
Mu mwaka ushize w'imikino ikipe ya Arta yasoje ku mwanya wa kane muri shampiyona ya Djibouti n'amanota 24, ikaba yararushijwe amanota 4 na Total FC yegukanye igikombe.
Mu 2012 nibwo Song yavuye muri Arsenal yerekeza muri Barcelona atanzweho Miliyoni 15 Z'ama-Pound, nyuma yo gukinira Arsenal imikino 215.
Alex Song yakiniye amakipe atandukanye y'i Burayi, arimo Bastia yo mu Bufaransa, Arsenal na Westham zo mu Bwongereza, FC Barcelona yo muri Espagne, FC Rubin Kazan yo mu Burusiya na FC Sion yo mu Busuwisi.
Song yafashije Arta Solar kwegukana igikombe cya shampiyona nyuma y'amezi hafi atanu ayigezemo
Abakinnyi ba Arta Solar bishimiye iyi ntsinzi baterura umutoza
Song niwe kapiteni wa Arta Solar
Song afite amateka akomeye muri Arsenal
Eng
RSS 
TANGA IGITECYEREZO