Abashinzwe gutegura imikino ya Olempike 2020 izabera i Tokyo mu Buyapani mu mpeshyi y'uyu mwaka, batangaje ko Abafana b’Abanyamahanga batazemererwa kwinjira muri iyi mikino ndetse n’iya Paralempike kubera icyorezo cya Coronavirus.
Leta y’u Buyapani yabwiye komite ishinzwe gutegura iyi mikino ya Olempike na Paralempike ko Abafana b’abanyamahanga batazemererwa kwinjira mu gihugu. Abategura iri rushanwa batangaje ko iki cyemezo kizatuma bizera neza umutekano w’abakinnyi bazaba bitabiriye ndetse n’abaturage b’u Buyapani.
Biteganyijwe ko iyi mikino izatangira tariki ya 23 Nyakanga 2021, rikazarangira tariki ya 08 Kanama 2021. Iyi mikino yagombaga kuba hagati ya tariki ya 24 Kamena na 9 Kanama 2020, ariko irasubikwa kubera icyorezo cya Coronavirus kimaze umwaka urenga cyugarije abatuye Isi.
Leta y'u Buyapani yatangaje ko nta bafana b'abanyamahanga bazemererwa kwinjira mu mikino Olempike 2020
Nta bafana b'Abanyamahanga bazemererwa kwitabira imikino Olempike
Eng
RSS 
TANGA IGITECYEREZO