RFL
Kigali

Nyuma yo gusezera Floyd Mayweather agiye kugaruka mu kibuga ahanganye na Logan Paul

Yanditswe na: SAFARI Garcon
Taliki:7/12/2020 16:14
0


Umunyamerika wegukanye imidali ikomeye ku Isi mu mukino w'iteramakofe, Floyd Mayweather yemeje ko mu ntangiriro za 2021 azagaruka mu kibuga, mu mukino azaba ahanganyemo n'umunyamerika mugenzi we, Logan Alexander Paul ufite izina rikomeye cyane kuri YouTube.



Mayweather ufite agahigo ko kwegukana shampiyona y'Isi mu mukino w'iteramakofe, yasezeye kuri uyu mukino mu 2015, ariko nyuma y'imyaka ibiri yiyemeza kugaruka mu kibuga ahangana na  Conor McGregor mu mukino wavugishije abatari bake ku Isi, ndetse ukanaga agahigo ko kwinjiza agatubutse.

Floyd Mayweather  w'imyaka 43 y'amavuko yemeje ko tariki ya 20 Gashyantare 2021, azahangana na Logan Paul ufite izina rikomeye cyane kuri YouTube.

Logan Paul amaze gukina umukino umwe mpuzamahanga mu mukino w'iteramakofe, yatsinzwemo na Olajde Olatunji, uzwi nka KSI, wabereye i Los Angeles mu Ugushyingo 2019.

Logan Paul wubatse izina kuri Youtube, afite abantu miliyoni 22 bamukurikira (subscribers) gusa ntabwo amenyerewe nk'indwanyi ikomeye mu iteramakofe.

Mayweather w’imyaka 43, yasezeye amaze gukora amateka atarakorwa n’undi wese, aho yatsinze imikino 50 nta muntu uramutsinda.

Mu 2017, Mayweather atsinda McGregor yahawe miliyoni 350$, uyu mukino uca agahiko ko kuba umwe muyihenze mu mateka.

Umukino wa Mayweather na Logan witezweho kuba nawo uzinjiza agatubutse ndetse ukazanakurikirwa na benshi.


Umukino wa Mayweather na Logan ushobora kuzaba uhenze

Umukino wa Mayweather na Logan uteganyijwe muri Gashyantare 2021







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND