Kigali

Umuyobozi w'umupira w'amaguru muri Afurika yahagaritswe imyaka 5

Yanditswe na: ISHIMWE Olivier Ba
Taliki:23/11/2020 13:40
0

Umuyobozi w'umupira w'amaguru muri Afurika, Ahmad Ahmad amaze guhagarikwa mu bikorwa by'umupira w'amaguru mu gihe kigana n'imyaka 5.



Ahmad wari Umuyobozi w'umupira w'amaguru muri Afurika kuva 2017, ahagaritswe mu mupira w'amaguru kubera ikibazo cya ruswa yagaragayeho nyuma y'iperereza ryakozwe na FIFA.

Ishyirahamwe ry'umupira w'amaguru ku isi FIFA, ryatangaje ko Ahmad Ahmad bagendeye ku iperereza ryamukozweho basanze yaragiye atanga amasoko ku buryo bunyuranyije n'amategeko, ndetse akanakira impano kandi bitemewe.

Mu itangazo FIFA yashyize hanze yavuze ko umuyobozi wa CAF, Ahmad Ahmad ahagaritswe mu bikorwa bya Siporo haba iwabo mu gihugu ndetse no mu mahanga mu gihe kingana n'imyaka 5, ndetse anacibwa amafaranga angana na 200,000$ (Hafi Miliyoni 200 z'amafaranga y'u Rwanda).


Ahmad Ahmad yahagaritswe imyaka 5 atagera mu gikorwa na kimwe cya ruhago






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND