RFL
Kigali

Uburyo bworoshye kandi bwihuse bwagufasha guhanagura ipasi yawe

Yanditswe na: Liliane Kaliza
Taliki:19/10/2020 17:48
0

Ipasi ni kimwe mu bikoresho by’ingenzi cyane mu buzima bw'umuntu kuko imufasha kugaragara neza mu bandi gusa hari igihe usanga umuntu ayifite ariko ikaba intandaro yo kumutera icyasha kubera kutamenya kuyigirira isuku.



Niba ufite ipasi ariko ukaba utazi uburyo bwiza kandi bworoshye bwo kuyitunganya Ntugahagarike umutima, turi hano kugirango tuguhe inama zagufasha kuyitunganya neza. Aha rero hari uburyo bwinshi bworoshye kandi buhendutse ushobora guhanaguramo ipasi yawe, amahitamo ni ayawe kugirango ukoreshe uburyo bukubera bwiza:

1.Umunyu: Umunyu ni kimwe mu bikoresho byoroheje umuntu wese yabasha kubona ariko wasanga utari uziko umunyu ushobora kugufasha guhanagura ipasi yawe mu gihe yahindutse umukara, fata umunyu uwushyire mu gatambaro gasanzwe ubundi uwukubishe ku ipasi ishyushye, bya bintu by’umukara birahita bivaho maze ufate akandi gatambaro gatose uhanagure ipasi yawe neza.

2. Vinaigre: Niba uburyo bwabanje utabukunze, ushobora gukoresha ubu buryo busa n’ubukomeye mo gacye, Ushobora kuvanga vinaigre n'umunyu, ushyushye iyo mvange mbere yo kuyinika mu gitambaro nurangiza uyisige ku ipasi , bya bintu byafasheho bizahita bivaho noneho ubone gufata akandi gatambaro gatose uhanagure neza ipasi yawe.

3. Indimu: Haba mu guherekeza ibyo kurya byawe cyangwa kugufasha kugabanya ibiro, indimu ni urubuto rufite akamarokenshimu buzima bwacu, aha rero asanga utari uziko indimu yagufasha guhanagura ipasi yawe neza, Kata indimu mo kabiri hanyuma uyisige ku ipasi yawe nurangiza uhanaguzeho agatambaro keza, ubu ni ni bumwe mu buryo bworoshye cyane.

4. Umuti w’amenyo: Umuti w’amenyo benshi bazi nka colgate nawo wagufasha guhanagura ipasi yawe, wufate ukoresheje agatambaro ubundi usage ku ipasi ahari umwanda noneho nyuma uze guhanaguzaho akandi gatambaro, ipasi irongera ise neza nk’uko wayiguze imeze.

5. Bicarbonate de soude: Mu gihe uburyo bwabanje bwose butakunogeye, ushobora gufata bicarbonate de soude ukayivanga n’amazi ashyushe noneho ugashira mu gatambaro keza ugahanaguza ku ipasi, ibi byo ni ako kanya.

Uzagerageze bumwe muri ubwo buryo uzambwira uko byagenze

Src: santeplusmag.com

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND