Mugheni Kakule Fabrice yatwaye igihembo cya SKOL na MG nk’umukinnyi wa Mata 2019 muri Rayon Sports - AMAFOTO

Mugheni Kakule Fabrice ni umwe mu bakinnyi beza bakina hagati mu Rwanda by’umwihariko mu ikipe ya Rayon Sports, akaba yahawe iki gihembo nyuma yo kuba agiye gusoza shampiyona 2018-2019 ari kumwe na Rayon Sports aherukamo mu mwaka w’imikino 2016-2017.

Mugheni Kakule Fabrice yahawe igihembo cya Mata 2019

Mugheni Kakule Fabrice yatwaye iki gihembo atsinze Mutsinzi Ange Jimmy na Sarpong Michael bari kumwe ku rutonde rwa nyuma rw’abakinnyi bahataniraga iki gihembo.

Muvunyi Paul perezida wa Rayon Sports ashyikiriza igihembo Mugheni Kakule Fabrice 

Muvunyi Paul (Ibumoso) perezida wa Rayon Sports yicaranye na visi perezida we Me.Fred Muhirwa 

Nyuma yo gushyikirizwa iki gihembo ku mugoroba w’uyu wa Gatatu tariki 15 Gicurasi 2019, Mugheni Kakule Fabrice yashimye March’Generation Fan Club yazanye iki gitekerezo anashima cyane abakinnyi bagenzi be bagiye bamufasha muri Mata 2019.

“Ni ibyishimo kuri njyewe kandi bikaba ibyishimo by’ikipe yanjye Rayon Sports n’abakinnyi dukinana kuko iki gihembo ni icyacu. Ndashima March’ Generation itanga iki gihembo kuko gitanga imbaraga ku bakinnyi ba Rayon Sports bityo n’umusaruro w’ikipe muri rusange ukaboneka”. Mugheni

Mugheno Kakule Fabrice aganira n'abanyamakuru

Iyi gahunda yazanywe bwa mbere n’itsinda ry’abafana ba Rayon Sports rihuza abibumbiye mu cyo bise March’Generation Fan Club. Nyuma ni bwo baje kwihuza n’uruganda rwa SKOL muri gahunda yo kugira ngo igikorwa kigire ingufu n’agaciro kisumbuyeho.

Abafana ba Rayon Sports bakunze kuryoherwa n'iyi gahunda   

Bamwe mu bakinnyi ba Rayon Sports bari muri uyu muhango 

PHOTOS: Iradukunda Desanjo (Inyarwanda.com)