Ayra Starr yahishuye ko indirimbo akora nawe aba yumva atazumva

Ni mu kiganiro Oyinkansola Sarah Aderibigbe wamamaye mu muziki nka Ayra Starr yagiranye na Rolling Stone asobanura uburyo akoramo umuziki n’ibanga akoresha.

Ayra Starr yasobanuye ko iyo akora umuziki aba atari yumva uburyohe bwawo bituma ahindagura ibintu byinshi ariko nabwo agakomeza kumva bitaryoshye ashaka kongeramo ibindi.

Yagize ati “Ntabwo nkunda indirimbo zanjye nyuma yo kuzikora (Recording). Mba numva ari mbi pe! Nanjye sinzi impamvu. Mba numva nkwiye gukomeza kuyigira nziza kurushaho bituma izo nshyira hanze ziba ari nziza.”

Mu mwaka wa 2019, ni bwo Don Jazz nyiri Mavin records yabonye amashusho Ayra Starr yari yashyize ku mbuga nkoranyambaga aririmba nuko Don Jazz yumvamo impano idasanzwe atangira kumushaka atyo.

Mu mwaka wa 2020, Don Jazz na Ayra Starr baganiriye bagera ku ngingo yo gusinyana amasezerano nuko uyu mukobwa ukiri muto atangira kwatsa itara rye imbere y’amahanga yose ndetse anakirwa neza cyane.

Mu mwaka wa 2020 agisinya muri Mavin records, yahise ashyira hanze indirimbo "Away" yamubereye itara imbere y’amahanga yose hanyuma mu mwaka wa 2021 ashyira hanze EP ye ya mbere yajomeje kuzamura izina rye kuri ubu akaba ari umwe mu bahanzi beza umugabane wa Africa ufite.

Mu mwaka wa 2020, nibwo Ayra Starr yasinye muri Mavin records