Arsenal igiye kuzamura amatike y'imikino yayo

Iyi kipe igiye kongera ibiciro by'amatike ku mwaka wa kabiri wikurikiranya nyuma yuko muri uyu mwaka w'imikino yari yiyongereyeho 5%. 

Ibi bije nyuma yuko abafana b'iyi kipe bajya kuri Stade biyongereye ndetse ikaba ifite ibibazo bijyanye n'ubukungu aho mu mwaka ushize yahombye miliyoni 17 z'Amayero.

Ntabwo ari ibi gusa kuko imishahara ikipe ya Arsenal ihemba yiyongereyeho 40% none mu myaka ine ishize yahombye agera kuri miliyoni 238 z'Amayero.

Iyi kipe y'Abarashi nk'uko bakunze kuyita, mu mwaka utaha w'imikino yavuze ko abafana bazaba bafite uburyo bwo kugura amatike 19 bakazareba imikino yose ya Premier League izakira cyangwa bakazagura amatike 23 aho bazareba imikino ya Premier League izakira no kongeraho andi marushanwa arimo n'ayo ku mugabane w'Iburayi.

Itike y'iyi kipe ihenze muri uyu mwaka w'imikino ni ibihumbi 2 by'Amayero. Arsenal iri gukora ibi mu gihe Liverpool, Brentford na West Ham United zo ziri kugabanya amatike y'imikino yayo.

Arsenal yazamuye amatike y'imikino yayo