Bayobowe n’umunya-Eswatini w’imyaka 93! Abaherwe 10 bakuze cyane muri Afurika mu 2025

Afurika izwiho kuba umugabane  w'abntu bakiri bato ku Isi, aho abaturage barenga 60% bayituye bari munsi y’imyaka 25. Ariko iyo witegereje usanga kugeza ubu abatunze agatubutse kuri uyu mugabane, ari abakuze cyane bamaze imyaka myinshi bubaka ubuzima.

Nubwo urubyiruko rwa Afurika rukomeje gukora iyo bwabaga ngo batange umusanzu wabo mu iterambere ry’uyu mugabane ari ko nabo biteza imbere, aho bagaragara cyane mu mirimo yiganjemo iy’ikoranabuhanga, ubutunzi bwinshi buracyihariwe n’abageze mu zabukuru bafite inganda zikomeye, imitungo itimukanwa n’ibindi byose bisaba igihe kubigeraho n’inararibonye ihanitse.

Kugeza ubu, Nathan Kirsh utuye muri Eswatini w’imyaka 93 y’amavuko, niwe uyoboye abaherwe bakuze cyane muri Afurika, akaba afite umutungo ubarirwa muri miliyari 7.3 z’Amadolari.

Ni umwe mu batunze agatubutse muri Eswatini.

Mu bandi bari kuri uru rutonde, harimo Othman Benjelloun wo muri Maroc utunze miliyari 1.6$ ku myaka 92, Christoffel Wiese w’imyaka 83 ukomoka muri Afurika y’Epfo akaba atunze miliyari 1.6$ n’abandi.

Dore abaherwe bakuze kurusha abandi bakize cyane muri Afurika mu ntangiriro za 2025: