Abaganga b'inzobere bagaragaje ibintu 9 batakwemerera abana babo gukora

Dr. Shilpa Dass, inzobere mu buvuzi bw’indwara z’ubwonko bw’abana mu mujyi wa New Jersey, yafashe amashusho y’inshuti n’abavandimwe be icyenda b’inzobere mu buvuzi, bavuga ibyo batakwemerera abana babo gukora nk’ababyeyi.

Yongeraho n’ibyo ubwe ashyira ku rutonde rw’ibibujijwe.

Umuganga ushinzwe gusinziriza abana yatangaje ko atakwemerera umwana we kurya inkeri zidacagaguyemo ibice kubera ibyago byo kubura umwuka.

Ibyago byo kubura umwuka bitewe n’inkeri:

Umuryango wa Child Accident Prevention Trust ugena ko abana bato bashobora guhitanwa no kubura umwuka biturutse ku nkeri zidacagaguwe kuko ubunini n’imiterere y’inkereri bishobora kuziba umuyoboro w’umwuka w’umwana.

Uyu muryango uvuga ko abana bafite imyaka itarenze itanu bagomba guhabwa inkereri zacagaguwe, kuko imiyoboro y’umwuka yabo ari mito cyane ku buryo byoroshye kuzibwa n’inkereri.

Muri Amerika, nibura umwana umwe apfa buri minsi itanu azize kubura umwuka biturutse ku byo yariye.

Ibitekerezo by’abaganga ku bintu bitemewe:

1.Umuganga w’ubwonko: Ntabwo yemerera umwana we kugendera kuri moto z’amapine ane (ATV) kubera ibyago by’imvune zikomeye z’ubwonko.

2.Umuganga w’indwara z’igifu: Ntabwo yemera ko abana be bakinisha ibikinisho bikoresha bateri nto (button batteries) kuko bishobora guteza ibyago bikomeye birimo gutwika no guhumeka nabi.

3.Umuganga w’indwara z’ababyeyi: Ntabwo yemera ko abana bajya ku ishuri batigishijwe ibijyanye n’imihango y’abakobwa n’ubwirinzi bw’imyororokere.

4.Umuganga w’amagufa: Ntabwo yemera gutunga trampoline mu rugo kuko ishobora gutera imvune z’amagufa.

5.Umuganga w’amaso: Ntabwo yemera ko umwana we aryama yambaye ikintu mu maso kuko bishobora gutera uburwayi bukomeye bw’amaso.

6.Inzobere mu buvuzi bw’ubuzima: Ntabwo yemera ko abana be bagira ipfunwe ku bijyanye n’ibyo barya kuko bishobora gutera ihungabana no kutagira amahoro mu mitekerereze.

7.Umuganga w’indwara z’imbere: Ntagira gahunda yo kwemerera abana be kohereza ubutumwa bwanditse (texting) igihe batwaye imodoka.

8.Umuganga w’umutima: Ntabwo yemera ko abana be bakoresha vape (itabi rikoresha amashanyarazi)kuko bigira ingaruka mbi zirimo kwiyongera k’ububata n’umunaniro udasanzwe.

9.Umuganga w’indwara z’imikurire y’abana: Ntabwo yemera ko abana be bajya mu ma tapi kubera ibyago byo guhohoterwa no gukomereka bari mu rugo rw’abandi.

Ibitekerezo ku mbuga nkoranyambaga:

Abenshi mu bakurikirana iyi nkuru, barimo n’abakora mu nzego z’ubuzima n’abanyamategeko, bahamije ko ibi bitekerezo bifite ishingiro nk'uko bitangazwa na Daily Mail.

Umwanditsi:Rose Mary Yadufashije