Akamaro k'amakara mu mubiri w'umuntu igihe akoreshweje neza

Ibyiza by’amakara yo kunywa:

1. Kuvura ubumara bwinjiye mu mubiri

Abahanga mu buvuzi, barimo Dr. John Trestrail, bemeza ko activated charcoal ikoreshwa cyane mu kuvura uburozi buvuye ku kunywa ibinyabutabire, imiti y’indwara, cyangwa ibindi bintu byangiza umubiri. Ifasha gukurura uburozi no kubusohora, bigafasha kugabanya ingaruka mbi ku buzima.

 2. Gufasha mu kugabanya ibibazo byo mu nda

Amakara afasha kugabanya imyuka myinshi mu mara, kuvura ububabare bwo mu nda, no gusukura umubiri. Nk'uko Dr. Axe abivuga, arinda amara kwangizwa n’imyanda kandi afasha gusohora uburozi mu buryo bwihuse.

 3. Kugabanya cholesterol mbi mu maraso

Ubushakashatsi bwagaragaje ko activated charcoal ishobora kugabanya cholesterol mbi (LDL) mu maraso, bikarinda indwara zifata umutima n’imiyoboro y’amaraso.

 4. Gusukura umubiri

Amakara yo kunywa afasha gusukura amaraso no kuvana imyanda y’uburozi mu mubiri. Ahamye mu gusukura umwijima no kurinda ingaruka zaterwa n’amazi cyangwa ibiribwa byanduye.

 5. Isuku y’amenyo n’umwuka mwiza

Nk'uko Dr. Mark Burhenne abisobanura, amakara afasha gukuraho amaribori ku menyo, kugabanya impumuro mbi mu kanwa, no gusukura amenyo mu buryo bw’umwimerere kandi butangiza.

Ibikwiye kwitonderwa mu gukoresha amakara yo kunywa

Nubwo afite akamaro kenshi, activated charcoal ikwiye gukoreshwa witonze. Dore ibikwiye kwitonderwa:

 Kwibyaramo intungamubiri: Amakara si umwihariko; akurura imyanda ariko rimwe na rimwe ashobora no gukurura intungamubiri z’ingirakamaro.

Kwirinda kuyakoresha buri gihe: Ntibikwiye kuyakoresha kenshi, ahubwo bigomba kuba igihe bibaye ngombwa gusa.

Kugisha inama muganga: Ni ingenzi kugisha inama y’inzobere mbere yo gukoresha amakara, cyane ku bantu bafite indwara cyangwa bakoresha imiti yihariye.

Umwanzuro

Amakara yo kunywa afite akamaro gakomeye mu buzima bw’umuntu, harimo kuvura uburozi, gusukura umubiri, no gufasha mu kurinda zimwe mu ndwara. Ariko, ni ngombwa kuyakoresha mu rugero no kubanza kugisha inama muganga. Gukoresha amakara mu buryo bukwiriye bituma ibyo akora byungura ubuzima kandi birinda ingaruka zishobora guterwa no kuyakoresha nabi.

Umwanditsi: Rose Mary Yadufashije