UEFA Champions League: Arsenal yanyagiye, ibya Manchester City bikomeza kuyoberana

Ni mu mikino yakinwe kuri uyu Wa Kabiri taliki ya 26 Ugushingo 2024 Saa yine z'ijoro. Umukino wari utegerejwe n'abenshi ni uwo ikipe ya Sporting CP yari yakiriyemo Arsenal kuri Estadio Jose Alvalade.

Uyu mukino watangiye abakinnyi b'ikipe ya Arsenal bahererekanya neza umupira gusa ba myugariro ba Sporting CP bakabangira kwinjira mu rubuga rw'amahina.

Bidatinze ku munota wa 17 gusa iyi kipe y'abarashi yahise ifungura amazamu ku mupira uwitwa Jurrien Timber yari ahinduye imbere y'izamu usanga Gabriel Martinelli ahita afungura amazamu ndetse arinako afungura konti ye y'ibitego muri UEFA Champions League y'uyu mwaka.

Nyuma yo gutsindwa ikipe ya Sporting CP yagerageje gusatira ishaka uko yakwishyura ariko biza kongera kuba bibi ku munota wa 22 ubwo Thomas Partey yahaga umupira Bukayo Saka nawe akawushyira kwa Kai Havertz ubundi awutereka mu nshundura igitego cya kabiri kiba kirabonetse.

Umukino wakomeje ikipe ya Arsenal ikomeza kwiharira umupira ndetse hari naho yashoboraga kubona igitego cya 3 ku ishoti ryari rirekuwe na Bukayo Saka gusa Kai Havertz aryikuriramo kandi ryaganaga mu izamu.

Mbere yuko igice cya mbere kirangira ikipe ya Arsenal yabonye igitego cya 3 gitsinzwe na Gabriel Martinelli akoresheje umutwe kuri koroneri yaritewe na Declan Rice ashyiraho umutwe.

Mu gice cya kabiri ikipe ya Sporting CP yaje nayo ibona igitego cyayo cya mbere gitsinzwe na Goncalo Inacio ku mupira yarahawe na Francisco Trincao.

Ikipe ya Sporting CP yakomeje gusatira ishaka ibindi bitego ibinyujije kuri rutahizamu wayo Victor Gyokores ariko ba myugariro ba Arsenal bakihagararaho.

Ku munota wa 65 ikipe y'abarashi yabonye igiye cya 4 gitsinzwe na Bukayo Saka kuri penariti yari iturutse ku ikosa ryari rikorewe Martin Odegaard.

Kuwa 82 uwitwa Mikel Merino yarekuye ishoti umunyezamu wa Sporting CP agiye kurifata ngo arigumane biramunanira umupira usanga Leandro Trossard wari winjiye mu kibuga asimbuye ashyiraho umutwe igitego cya 5 kiba kirabonetse.

Umukino warangiye Arsenal itsinze ibitego 5-1.

Indi mikino yakinwe ikipe ya Slovan Bratislava yo muri Slovakia yatsinzwe na AC Milan yo mu Butaliyani ibitego 3-2 naho Sparta Prague yo muri Czech Republic itsindwa na Atletico Madrid yo muri Espagne ibitego 6-0.

Ikipe ya FC Barcelona yo muri Espagne yatsinze Brest yo mu Bufaransa ibitego 3-0,Bayern Leverkusen yo mu Budage itsinda RB Salzburg yo muri Australia ibitego 5-0 naho FC Bayern Paris Saint-Germain yo mu Bufaransa igitego 1-0.

Ikipe ya Inter Milan yo mu Butaliyani yatsinze RB Leipzig yo mu Budage igitego 2-0 , Manchester City inganya na Feyenoord mu Buhorandi ibitego 3-3 naho Young Boys yo mu Busuwisi inyagirwa na Atalanta yo mu Butaliyani ibitego 6-1.

Manchester City yanganyije na Feyenoord ibitego 3-3

Arsenal yanyagiye Sporting CP ibitego 5-1

Inter Milan yatsinze RB Leipzig igitego 1-0 

FC Bayern Munich yatsinze Paris Saint-Germain igitego 1-0