Abayobozi bashya b'Urwego rw'ikirenga rwa Rayon Sports, Muvunnyi Paul na Dr Emile Rwagacondo, bahuye na Thibault Relecom - nyiri Uruganda rwa 'Skol Brewery Ltd' rwenga ibinyobwa bisembuye n'ibidasembuye rusanzwe ari umufatanyabikorwa wayo mukuru.
Kuri uyu wa Kabiri taliki ya 19 Ugushyingo 2024 ni bwo Abayobozi bashya ba Rayon Sports bahuye na nyiri SKOL. Bahuriye ku cyicaro cya Skol mu Nzove, baganira ku imikoranire SKOL isanzwe ifitanye na Rayon Sports n'ibyahinduka kugira ngo ikomeze kugenda neza.
Ibi bibaye nyuma y'uko kuwa Gatandatu w'icyumweru gishize ari bwo muri Rayon Sports habaye amatora hakanashyirwaho Urwego rw'Ikirenga ruyobowe na Paul Muvunyi aho yungirijwe na Dr Emile Rwagacondo.
Ni mu giihe Twagirayezu Thadee ari we watorewe kuyobora Umuryango wa Rayon Sports, Prosper Muhirwa atorerwa kuba Visi Perezida wa mbere naho Aimable Ngoga Roger atorerwa kuba Visi Perezida wa kabiri.
Bivugwa ko mu mushinga ubyara inyungu uri kwigwa muri iyi kipe, uruganda rwa SKOL ruzaguramo imigabane ingana na 30%. Uru ruganda rumaze imyaka 10 rukorana n'ikipe ya Rayon Sports.
Paul Muvunyi, Dr Emile Rwagacondo hamwe na nyiri SKOL
Eng
RSS 
TANGA IGITECYEREZO