Ikipe ya Gisagara VC yatsinze KVC, Police VC itsinda RP Ngoma naho REG VC itsinda EAUR VC mu mikino yo ku munsi wa gatatu wa shampiyona ya Volleyball.
Kuri uyu wa Gatandatu taliki ya 16 Ugushyingo 2024 ni bwo muri Gymnasium y'Akarere ka Gisagara n'iya Kaminuza y'u Rwanda, Ishami rya Huye, hakomereje imikino yo ku munsi wa gatatu wa shampiyona mu bagabo no mu bagore.
Mu bagore saa Yine zuzuye muri Gymnasium ya Kaminuza y'u Rwanda, Ishami rya Huye ikipe ya EAUR VC yakinnye na Ruhango VC. Uyu mukino wagaragayemo guhangana cyane warangiye ikipe ya EAUR VC itsinze Ruhango VC amaseti 3-2 ((25-22, 25-27, 15-25, 25-19, 17-15).
Ubwo uyu mukino wakinwaga kandi ni nako muri Gymnasium y'Akarere ka Gisagara naho ikipe ya Police WVC yatsindaga Wisdom aho yayitsinze amaseti 3-0(25-16, 25-19, 25-17).
Mu bagabo umukino wabimburuye indi ni uwa Gisagara VC yari imbere y'abafana bayo yakinnyemo na KVC. Gisagara VC yiyubatse cyane muri uyu mwaka ndetse ikaba yari ifite imbaraga yakuraga mu bafana bayo yatsinze KVC mu buryo buyoroheye. Yayitsinze amaseti 3-0(25-17, 25-11, 25-21).
Saa munani n'iminota 30 ikipe ya Police Volleyball Club yagiye mu kibuga ikina na RP Ngoma. Nk'uko byari byitezwe Police VC yatsinze RP Ngoma yihuta cyane amaseti 3-0 dore ko nko mu iseti ya kabiri yayegukanye RP Ngoma itaruzuza n'amanota 15.
Umukino wasoje ni uwa REG VC na EAUR VC. Uyu mukino wegukanwe n'ikipe ya Sosiyete y’Igihugu Ishinzwe Ingufu itsinze amaseti 3-0 (20-25, 20-25, 15-25).
Eng
RSS 
TANGA IGITECYEREZO