Haruna Niyonzima yasabye umutoza w’Amavubi gukora ibishoboka akazajyana u Rwanda muri CAN-VIDEO

Imyaka 20 irihiritse ikipe y’igihugu y’u Rwanda "Amavubi" idakandagira mu gikombe cya Africa [CAN] kuko iheruka mu cyabaye muri 2004 kigakinirwa mu gihugu cya Tunisia.

Haruna Niyonzima wageze mu ikipe y’igihugu nyuma ya 2004, ni umwe mu bakinnyi barwanye intambara zikomeye zo gushaka itike yo kujya mu gikombe cya Africa ariko birangira baterekejeyo, ibyo uyu mukinnyi agaragaza nka bimwe mu byamubabaje kuba ataragezeho.

Uyu mugabo wakiniye amakipe akomeye mu Karere, yagaragaje ko bitoroshye na gato kujya mu gikombe cya Africa na cyane ko we atigeze abigeraho, ariko avuga ko ari ibintu bishoboka bikomeje guharanirwa.

Avuga ko umutoza w'Amavubi, Frank Spitller Trosten akwiriye gukomeza urwo rugamba rwo guhatanira kujya mu gikombe cya Africa, byazakunda akazajyanayo u Rwanda cyane ko Abanyarwanda banyotewe no kujya mu gikombe cya Africa.

Haruna Niyonzima yagize ati: ”Umutoza w'Amavubi namugira inama nk’umunyarwanda kuko ntabwo navuga nk’umukinnyi kuko ntabwo muzi kandi ntabwo twigeze dukorana. Abanyarwanda tunyotewe kujya muri CAN.

Nanavuga y’uko njyewe nk’umunyarwanda kuba wenda ntarabonye ubwo bushobozi ni Imana yabiteganyije, ariko icyo navuga ni uko azakore ibishoboka byose Imana nimushyiriramo umugisha akatujyana muri CAN bizadushimisha nk’abanyarwanda.

Haruna Niyonzima yabayeho Kapiteni w'Amavubi

">