Abahanzi batandukanye muri Afurika bari gusohora Album, ariko hari iziza ugasanga zigize imbaraga zo hejuru bitewe n’amazina y'abazikoze, uko zitunganije n’abagiye bitabazwa kuri zo.
Umwaka wa 2024 wazanye n’ibihangano bishya by’abahanzi
batandukanye ariko bigeze kuri Album yihariye biba ibindi.
Nk'uko injyana za Afrobeat n’Amapiano ziri kuza imbere ni
nako no kuri izi Album nshya naho zagiye zifashishwaho cyane.
Tukaba twifuje kugaruka ku ziri kuza imbere kurushaho
mu zasohotse muri 2024.
True
to Self-King Promise
Iyi Album yazanye n’amavuta yo hejuru, iyobora intonde
zitandukanye, uhuje iminota y’indirimbo ziyigize.Yagiye hanze ku wa 14
Kamena 2024, ifite iminota 37.
Yatunganijwe ku bufatanye bwa 5K Records na Sony Music
Entertainment, ihurijweho indirimbo zigera muri 12 zirimo Perfect yakoranye na Gabzy, Terminator, Favourite
Story yakoranye na Olivetheboy na Sarkodie na Continental yakoranye
na Shallipopi.
R&B-Ruger
na BNXN
Yagiye hanze ku wa 17 Mata 2024 yakiriwe neza aho yamaze ibyumweru birenga 10 iyoboye kuri
Turn Table Charts, kuri Apple Music Charts mu bihugu birenga 12 birimo u
Bwongereza na UAE.
Bakaba barahisemo kuyikorana nyuma y'uko bari bamaze igihe bafitanye ibibazo.
Zimwe mu ndirimbo zigize uyu mushinga wabo harimo Ilashe, POE
na Bae Bae.
Jiggy
Forever-Young Jon
Iyi Album igizwe n’indirimbo 16 zirimo izo yakoranye
n’abahanzi bakomeye nka Don Jazzy, Zlatan, Ya Levis, Sean Paul, Blabonez, Kizz
Daniel na Seyi Vibez.
Iriho indirimbo kandi uyu muhanzi yikoranye ku giti cye
zirimo Aquafina, Big Big Things, Sharpally na Go Hard. Iyo uteranije iminota
ifite usanga igera kuri 42.
Born
in the Wild-Tems
Igizwe n'indirimbo 18, ikaba yaragiye hanze tariki ya 06 Kamena 2024, uyu mukobwa yayikoranyeho n’abahanzi bakomeye mu ndirimbo Get It Right yakoranye na Asake mu gihe Free Fall yayikoranye na J Cole.
Yatunganijwe
kandi n’abahanga mu birebana n’umuziki.
Stubborn-Victony
Niyo Album ya mbere y’uyu muhanzi, yayikoranyeho n’abarimo
Teezo Touchdown, Saint JHN, Asake, Shallipoppi na Shorae.
Igizwe n'indirimbo 14, yagiye hanze ku wa 21 Kamena 2024
maze yiharira intonde ziremeye mu bihugu bigera muri 14.
TZA-Kizz
Daniel
Ni imwe muri EP zakiriwe neza bitewe n’uburyo ikoranye ubuhanga n’udushya.Iriho indirimbo nka Twe Twe na Too Busy to be Bae zakiriwe neza kurushaho.
Yagiye ihanze tariki ya 11 Werurwe 2024, yatunganijwe
n’abarimo Reward Beatz, Ayzed, P Prime na Killertunes.
Tyla-Tyla
Yagiye hanze tariki ya 22 Werurwe 2024, yayihurijeho
Kelvin Momo, Tems, Gunna, Skillibeng, Becky G na Travis Scott.
Iyi Album yavugishije ibyamamare nka Beyonce, iyobora
izindi mu bihugu bigera kuri 30 ku rubuga rwa Spotify no mu bihugu bigera kuri
64 kuri Apple Music.
Kuri Billboard iyi Album yatangiriye ku mwanya wa 24
igenda inayobora izindi ntonde zikomeye mu muziki ku Isi.
The
Year I Turned 21-Ayra Starr
Iyi Album iriho indirimbo zitandukanye uyu mukobwa
yakoranye n’abahanzi bafite izina nka Asake, Anitta, Coco Jones, Giveon, Seyi
Vibez, Milar.
Yatungajijwe n’aba-producer bakomeye ku Isi nka London,
Marvey Muzique, P2J, Ragee, AOD, Off n Out, Sparrg, Mike Hector n’izindi.’
Yihariye isoko mu bihugu birenga 40 kuri Apple Music.
HEIS-Rema
Igizwe n'indirimbo zigera muri 11, iyo wegeranyije iminota
yose usanga ifite igera kuri 30. Muri izo harimo Azam, Hehehe, Yayo, Benin Boys
yakoranye Shallipopi, Heis, Egungun.
Uyu musore iyo habazwe inkuru ye yo kuzamuka mu muziki
ntabwo ijya itandukanywa n'indirimbo y’amateka yakoze yitwa Calm Down.
Igitaramo aheruka gukorera muri London nacyo cyasize
amateka avuguruye.
Eng
RSS 
TANGA IGITECYEREZO