Karim Benzema yashimagije Real Madrid, atanga umwanzuro we kuri Ballon D'or

Mu  2023 nibwo Karim Benzema yatandukanye na Real Madrid, ajya muri Al-Itthad yo muri Saudi Arabia. Uyu mugabo yatangaje ko kuva yava muri Real Madrid nta yindi kipe abona iyisumbya  ubushobozi.

Benzema ukomoka mu Bufaransa, imyaka 14 yamaze akinira Real Madrid, yatwayemo ibikombe 25, harimo Bitanu bya UEFA Champions League na Bine bya Laliga Santander na Bitanu bya Clubs World Cup n'ibindi. 

Mbere y'uko Karim Benzema atandukana na Real Madrid akajya muri Saudi Arabia, yayikiniye imikino 648, ayitsindira ibitego 354.

Mu mwaka urangiye w'imikino Real Madrid yatwaye UEFA Champions League ya 15 ndetse yegukana Shampiyona ya Espagne Laliga Santander, ibyo byatumye Karim Benzema avuga ko nta kipe ibaho ishobora guhangana na Real Madrid.

Karim Benzema aganira na Marca yagize ati " Uyu mwaka wabaye mwiza cyane kuri Real Madrid. Kugeza ubu nta kipe nziza ndabona kurenza Los Blankos.

 Abakinnyi bakomeye baraza abandi bakagenda, ariko ibyo ntabwo bibuza Real Madrid kuba ikipe ikomeye. Kuba ku gasongero kwa Real Madrid ni ibintu byahozeho kandi bizanakomeza.

Kuva namenya Real Madrid, ihorana abakinnyi beza, abatoza beza ndetse ikanatwara ibikombe bikomeye''.

Karim Benzema wabaye Kapiteni w'ikipe y'igihugu y'u Bufaransa, kuva yatandukana na Real Madrid, Nimero 9 yambaraga, iherutse guhabwa n'ubundi Kapiteni w'ikipe y'igihugu y'u Bufaransa Kylian Mbappe.

Benzema witwaye neza mu mwaka w'imikino wa 2022-2023, bikamuha amahirwe yo kwegukana Ballon D'or, yashimangiye ko kuba Real Madrid ifite abakinnyi nka Jude Bellingham na Vinicius Junior ari umugisha kuri yo.

Karim Benzema ubwo yaganiraga na Marca, yakomeje agira ati "Ndahamya ko Vinicius Junior akwiye kuzahabwa Ballon D'or kuko arabikwiriye. Yagize umwaka mwiza muri Real Madrid, ndetse yaranayifashije bishoboka.

 Vini na Jude Bellingham bakoze akazi gakomeye muri Real Madrid uyu mwaka, gusa Vini amaze imyaka atatu agaragaza ubushake bwo kugera kure, kandi uyu mwaka arabikwiriye. Kuri njye Ballon D'or amahirwe nayaha Vini''.

Karim Benzema yashimagije Real Madrid ariyo kipe nziza ku Isi 

Ku bwa Karim Benzema, Vinicius Junior niwe ukwiye guhabwa Ballon D'or