Cardi B yajyanwe mu nkiko azira indirimbo

Umuraperikazi Belcalis Marlenis Cephus, wamamaye ku izina rya Cardi B mu muziki, yajyanwe mu nkiko ashinjwa kwiba amwe mu magambo y’indirimbo y’abandi, akayashyira mu ndirimbo ye nta burenganzira abiherewe.

Iki ni ikirego kiri mu rukiko rwo mu majyepfo ya Texas cyatanzwe na Sten Joddi na Kemika bashinja uyu muhanzikazi kubiba amagambo bakoresheje mu ndirimbo “Greasy Frybread” yo mu 2021, akayakoresha mu ndirimbo ye yise “Enough (Miami)” yasohotse mu Werurwe ya 2024.

Nk’uko bigaragara mu nyandiko y’urukiko si Cardi B wenyine ushinjwa iki cyaha, dore ko n’abakoresha be barimo sosiyete Atlantic Records na Warner Music Group, ndetse n’aba-producer barimo OG Parker na DJ SwanQo nabo bashinjwa kugira uruhare muri ubu bujura bwo kwiba indirimbo.

Cardi B arashinjwa kwiba amagambo y’indirimbo 

Indirimbo ‘Greasy Frybread’ iri mu zakunzwe muri Amerika mu 2021, byumwihariko yakoreshejwe muri filime y’uruhererekane yitwa ‘ Reservation Dogs’ inyura kuri televiziyo ya Fox. Abashinja Cardi B bavuga ko iyi filime yaba ariyo yatumye uyu muraperikazi akunda iyi ndirimbo akiba amagambo yayo.

Sten Joddi na Kemika bavuga ko ibyo Cardi B yabakoreye byabateje igihombo gikomeye cyatumye indirimbo yabo itamenyekana, bityo bakaba basaba indishyi y’akababaro ya miliyoni 50$.

Abamushinja basabye ko yabishyura Miliyoni 50$ nk’indishyi y’akababaro