Kugeza ubu amakipe atandukanye arangajwe imbere no kugura abakinnyi, kubera ko isoko ry'igura n'igurisha ryafunguye, gusa abamaze kugurwa ni babiri gusa.
Nubwo amakipe arajwe ishinga no kwiyubaka, ntabwo biri gukunda neza kubera ko abakinnyi batandukanye kandi bakomeye, ubu bahugijwe n'imikino ya Euro na Copa America iri gukinwa muri iyi mpeshyi.
Nta gikomeye kiraba ku isoko ry'igura n'igurisha mu Bwongereza, usibye Chelsea yaguze myugariro w'imyaka 18 muri Aston Villa, Omari Kelly man. Uyu mukinyi wageze muri Chelsea, yaguzwe miliyoni 19£, asinya amasezerano y'imyaka ibiri mu ikipe y'ubururu.
Indi kipe yamaze kwibikaho umukinnyi, ni Aston Villa yegukanye Ian Maatsen wa Chelsea. Uyu myugariro yagaragaye mu gice cya kabiri cya Season akinira Brussia Dortmund nk'intizanyo ya Chelsea.
Inkuru zishyushye
Nubwo nta gikomeye cyari cyaba ku isoko ry'igura n'igurisha mu Bwongereza, hari inkuru ishyushye zigaruka ku bakinnyi n'amakipe abifuza, nazo ntizishyushye ngo zature kuko amakipe akomeye ntaratangira kuvugwa.
Inkuru ya mbere ikomeje kubica bigacika, ni iya Douglas Luiz, umunya Brazil ukinira Aston Villa wifuzwa na Arsenal. Arsenal ifite akazi gakomeye kugira ngo yegukane uyu mukinyi, cyane ko na Juventus imushaka cyane.
Aston Villa nubwo yiteguye gutakaza Umunya Brazil Douglas Luiz, iyi kipe yamaze gukoresha ikizamini cy'ubuzima abana babiri ari bo Samuel Iling-Junior wa Juventus FC na Enzo Barrenechea wa Froncinone Caricio zombi zo mu Butaliyani.
Mu inkuru iheruka kubica bigacika mu isoko ry'igura n'igurisha mu Bwongereza, ni uko Everton iherutse gutera utwatsi miliyoni 35£, amafaranga Manchester United yari itanze yifuza myugariro Jarrad Branthwaite wa Everton.
Ian Maatsen wari mu masezerano ya Chelsea yamaze kuba umukinnyi wa Aston Villa
Everton yateye utwatsi miliyoni 35£ Manchester United yari yatanze muri Everton ishaka Jarrad Branthwaite
Arsenal ikomeje kwifuza Umunya Brazil Douglas Luiz
TANGA IGITECYEREZO