BAL 2024: Petro de Luanda yageze ku mukino wa nyuma isezereye Cape Town Tigers

Uyu mukino wabaye kuri uyu Wagatatu guhera saa mbili mu nzu y'imikino n'imyidagaduro ya BK Arena.

Ikipe ya Petro de Luanda niyo yabonye mu nkangara mbere ku manota ya Yanick Moreira gusa ikipe ya Cape Town Tigers iza kuza kuba ariyo iyobora ibifashijwemo n'amanota yakorwaga n'abarimo Samkelo Cele na Cartier Ducati Diarra.

Amakipe yombi yagiye arakubana nta n'imwe ishaka kurekura gusa agace ka mbere karangira Cape Town Tigers ariyo iyoboye n'amanota 16 kuri 15.

Mu gace ka Kabiri Petro de Luanda yaje ariyo ikina neza ndetse ihita anajya imbere ya Cape Town Tigers binyuze mu kazi karimo karakorwa n'abarimo Nicholas Faust na Cleusio Castro bakoraga amanota ubutitsa.

Cape Tigers nayo ntiyasigaye inyuma cyane ahubwo yakomeje guhangana ibifashijwemo n'abakinnyi barimo Samkelo Cele gusa bajya kuruhuka Petro de Luanda iyiboye n'amanota 43 kuri 37.

Mu gace ka Gatatu iyi kipe yo muri Angola yaje ikomerezaho ibifashijwemo n'abarimo Jone Pedri na Nicholas Faust maze karangra ikiyoboye yanashyizemo ikinyuranyo cy'amanota menshi aho yari ifite amanota 66 kuri 55 ya Rivers Hoopers.

Mu gace ka Kane ari nako kanyumva ikipe ya Cape Town Tigers nabwo yakomeje kurushwa gusa habura amasegonda 2 ngo karangire umukinnyi wayo Samkelo Cele ahita akora amanota 2 bihita bituma banganya na Petro de Luanda amanota 77-77 hitabazwa iminota 5 y'inyongera.

Muri iyi minota 5 y'inyongera n'ubundi byarangiye Petero de Luanda yongeye kwisubiza umukino isoza ariyo itsinze amanota 96-86.

Iyi kipe yo muri Angola yahise igera ku mukino wa nyuma aho izakina na Al Ahly Ly yo yahageze isezereye Rivers Hoopers. Uyu mukino wa nyuma biteganyijwe ko uzaba kuwa Gatandatu w'iki Cyumweru hakazaba ari taliki ya 1 z'ukwezi gutaha kwa 6.

Petro de Luanda yageze ku mukino wa nyuma wa BAL 2024 isezereye Cape Town Tigers