Mu Burengerazuba bwa Leta Zunze Ubumwe za Amerika, hakiniwe umukino wa kabiri muri NBA Finals, aho Dallas Mavericks yatsinze umukino wa kabiri, ica amarenga nk'ayo Boston Celtics iri guca mu Burasirazuba.
Dallas Mavericks yatsinze Minessota Timberwolves amanota 109 ku 108, bikomeza kuyiha amahirwe yo kuyobora agace k'Uburengerazuba ari iya mbere.
Neza neza ibyo Dallas Mavericks iri gukorera mu Burengerazuba, birasa nk'ibyo Boston Celtics iri gukorera mu Burasirazuba, kuko nayo imaze gutsinda imikino ibiri ku busa bwa Indiana Pacers.
Dallas Mavericks mu Burengerazuba na Boston Celtics mu Burasirazuba, zirasabwa gutsinda imikino ibiri gusa, ubundi zikayobora uduce zibarizwamo.
Mu gihe Dallas Mavericks yazamuka ari iya mbere mu Burengerazuba na Boston Celtics ikazamuka ari iya mbere mu Burasirazuba, zazahura ubwazo, nabwo itsinze indi imikino myinshi ikaba ariyo yegukana Shampiyona ya NBA 2023-2024.
Gutsinda uyu mukino, Dallas Mavericks yakoze ikinyuranyo mu gice cya kabiri kuko igice cya mbere cyarangiye ari amanota amanota 60 ya Minessota Timberwolves kuri 48 ya Dallas Mavericks.
Mu gice cya kabiri, Dallas Mavericks yakinnye neza birangira isoje umukino yakuyemo ikinyuranyo cy'amanota yari yatsinzwe ya Minessota Timberwolves, birangira itsinze umukino irusha Minessota Timberwolves inota rimwe kuko yatsinze amanota 109 ku 108.
Dallas Mavericks yatsinze Minessota Timberwolves umukino wa kabiri, ica amarenga yo kuyobora Uburengerazuba
Dallas Mavericks irasabwa gutsinda imikino ibiri igategereza ikipe izava mu Burasirazuba
Eng
RSS 
TANGA IGITECYEREZO