Kivumbi King yamaze kwemeza uruhererekane rw’ibitaramo azakorera mu Burayi

Ku itariki ya 17 Gicurasi 2024 ni bwo Kivumbi King yasohoye Album ya Kabiri yise Ganza, ikaba yariho indirimbo yakoze ku giti cye n’izindi yahuriyemo n’abandi bahanzi. Kuva yajya hanze, abantu bakomeje kugaragaza ko ifutse.

Uyu musore uheruka gutangaza ko mu mpera z’umwaka azakora igitaramo cyo kuyimurikira abakunzi b’umuziki nyarwanda, Imana nibishima, yamaze gutangaza ibitaramo bitandukanye agiye gukorera ku mugabane w’u Burayi mu rwego kuyimenyekanisha. 

Mu butumwa yasangije abamukurikira yagize ati: ”Tubazaniye ibirori bya Ganza mu Burayi.” Yasabye abakunzi be kumenyesha abantu ko ibi birori bigiye kuba. Nk'uko  bigaragara ku ngengabihe yamaze gushyira hanze, ni uko kuwa 01 Kamena azataramira mu Bufaransa mu mujyi wa Lyon.

Naho kuwa 15 Kamena azaba ari mu Budage mu mujyi wa Hannover. Tariki ya 29 Kamena 2024 azataramira muri Poland mu mujyi wa Warsaw.

Iyi Album iriho indirimbo 12 ubariyemo n’iyo yatanze nk’inyongera. Uhereye ku zo yakoranye n’abandi bahanzi hari Selfish na Mike Kayihura, Muhorakeye na Riderman, Angel&Demon na Nviiri The Storyteller.

Haraza Street na Joshua Baraka, Captain na A Pass kimwe na Wait yakorenye na Axon, mu gihe izo ku giti cye harimo Wine, Hanze, Nzakomeza, Bryson Tiller, Impamvu na Intro Moonchild Bee.

Iyi Album yakozwe bigizwemo uruhare na  Deeal Ohen Entertainment baheruka gusinyana amasezerano naho Axon, Ayoo Rash, Pro Zed, Murirooo, Man Made kimwe na Bob Pro nibo bayitunganyije.Urutonde rw'indirimbo zigize umuzingo wa Kabiri wa Kivumbi King agiye gutangira kwamamaza Amatariki y'ibitaramo bya mbere Kivumbi yamaze gushyira hanze byo kumenyekanisha iyi Album bizabera mu Burayi