Joselu wageze muri Real Madrid atijwe na Español, ni we wafashije Real Madrid kugera ku mukino wa UEFA Champions League, nyuma yo gutsinda Bayern Munich ibitego bibiri wenyine.
Amazina ye yose ni José Luis Mato Sanmartín uzwi cyane nka Joselu, yavutse ku itariki 27 Werurwe mu 1990, ubu afite imyaka 34 y'amavuko. Yavukiye mu mujyi wa Stuttgart mu Budage bw'Uburererazuba.
Mu buto bwe, José Luis Mato Sanmartín ntabwo yazengurutse amakipe cyane nk'uko byagenze akimara gukira, kuko kuva mu 1999 kugera muri 2002 yakiniraga SD Silleda Academy, kuva muri 2002 kugera muri 2008 akinira Celta Vigo mu bakiri bato.
Mu Mwaka w'imikino wa 2008-09, José Luis Mato Sanmartín ni bwo yatangiye guhabwa amahirwe muri Celta Vigo B, ayikinira imikino 21 ayitsindira ibitego bine.
Nyuma umwaka umwe, Celta Vigo y'abakuru, yahisemo kuzamura José Luis Mato Sanmartín atangira gukinira ikipe nkuru ya Celta Vigo muri Esipanye. Yayikiniye imikino ibiri gusa, aghita yifuzwa na Real Madrid ya kabiri, ubwo muri uwo mwaka wa 2009 uri kurangira, yahise ajya muri Real Madrid.
Muri Real Madrid ya kabiri, José Luis Mato Sanmartín yayikiniye kuva muri 2009 kugera muri 2012, aho yakinnye imikino 67 atsinda ibitego 33. Muri 2012, Joselu yagize amahirwe yo gukinira Real Madrid nkuru umukino umwe, uwo mukino ukaba wararangiye afite igitego kimwe.
Mu 2012 Joselu yatandukanye na Real Madrid yerekeza mu Budage aho yaboneye izuba, ajya muri TSG Hoffenheim ayikinira kugera muri 2014, ayikinira imikino 25 gusa, ayitsindira ibitego bitanu.
Muri 2014, Joselu yavuye muri Hoffenheim ajya muri Eintracht Frankfurt ayimaramo amezi abiri gusa, muri uwo mwaka ahita akomereza muri Honnover 96, ayikinira imikino 30, ayitsindira ibitego umunani, ayivamo muri 2015.
Kuva muri 2015 kugera muri 2017, Joselu yagiye muri Stoke City yo mu Bwongereza, ayikinira imikino 22 ayitsindira ibitego bine. Muri 2017, Stoke City yahise imutiza muri Deportivo Alavez ayikinira imikino 20 ayitsindira ibitego bitanu.
Kuva 2017 kugera muri 2019, Joselu yasubiye mu Bwongereza, ajya muri Newcastle United, aho yayikiniye imikino 46, ayitsindira ibitego bitandatu. Kuva muri 2019 kugera muri 2022 Joselu yari yarasubiye muri Alaves, ayikinira imikino 110 nuko ayitsindira ibitego 36.
Muri 2022 Joselu yagiye muri Español, ikipe afitiye amasezerano kugeza ubu nubwo ari muri Real Madrid.
Muri 2023, Real Madrid yongeye gutizwa Joselu avuye muri Español, kugeza ubu amaze kuyikinira imikino 32 amaze kuyitsindira ibitego icyenda.
Joselu ni intwari izahora yibukwa na Real Madrid, kuko yayifashe akaboko ayambutsa ikiraro cya Bayern Munich, igera ku mukino wa nyuma wa UEFA Champions League 2024.
Umukino ubanza wa kimwe cya kabiri wabereye mu Budage, amakipe yombi yanganyije ibitego bibiri kuri bibiri, naho umukino wo kwishyura muri Esipanye, Real Madrid itsinda ibitego bibiri kuri kimwe cya Bayern Munich.
Intsinzi ya Real Madrid, iri mu biganza bya José Luis Mato Sanmartín, uzwi nka Joselu, kubera ko umukino wageze ku munota wa 87, Bayern Munich ifite igiteranyo cy'ibitego bitatu kuri bibiri bya Real Madrid.
Kubera ubuhanga bwa Joselu watsinze ibitego bibiri mu minota itatu, umukino wageze ku munota wa 90, Real Madrid iyoboye n'igiteranyo cy'ibitego bine kuri bitatu bya Bayern Munich, nuko Real Madrid igera ku mukino wa nyuma gutyo.
Jose Luis Mato Sanmartín uzwi cyane nka Joselu, ni umukinnyi wazengutse amakipe inshuro nyinshi, ariko yafashije Real Madrid kugera ku mukino wa nyuma
Joselu yafashe Bayern Munich arayikubita ku myaka 34 y'amavuko
Eng
RSS 
TANGA IGITECYEREZO