Perezida wa Repubilika y'u Rwanda, Paul Kagame yatangaje ko nubwo ikipe ya Arsenal yasezerewe mu irushanwa rya Champions League akiyiri inyuma ndetse anashimira ikipe ya FC Bayern Munich yakomeje muri 1/2.
Kuri uyu wa Gatatu ni bwo hakomezaga gukinwa imikino yo kwishyura ya 1/4 cya UEFA Champions League.
Kuri Allianz Arena ikipe ya FC Bayern Munich yari yakiriye Arsenal nyuma y'uko umukino ubanza wari wabereye kuri Emirates Stadium wari warangiye ari ibitego 2-2.
Muri uyu mukino wo kwishyura warangiye FC Bayern Munich yari iri imbere y'abafana bayo ibihumbi 75 itsinze Arsenal igitego 1-0 cya Joshua Kimmich ku munota wa 63 ahawe umupira na Raphael Guerreiro.
Iyi kipe yo mu Budage isanzwe ibitse ibikombe 5 bya Champions League yahise inasezerera Arsenal ku kinyuranyo cy'ibitego 3-2.
Nyuma y'uyu mukino, Perezida Kagame usanzwe afana Arsenal, abinyujije ku rukuta rwe rwa X rwahoze ari Twitter yavuze ko nubwo iyi kipe isezerewe azakomeza kuyifana ndetse anashimira FC Bayern Munich yakatishije itike ya 1/2. Yanditse ati "Nubwo Arsenal yasezerewe iracyari ikipe yanjye. Nshimiye FC Bayern Munich".
Perezida Kagame asanzwe afana ikipe ya Arsenal. Iyi kipe ikaba inafitanye n'umubano n'u Rwanda nyuma y'uko kuri 2018 igiranye amasezerano y'ubufatanye n'Urwego rw’Igihugu rw’Iterambere (RDB) yo kwamamaza Visit Rwanda ku kuboko kw’ibumoso ku ikipe nkuru, iy’abatarengeje imyaka 23 no mu ikipe y’abagore.
Perezida Kagame yavuze ko nubwo Arsenal yasezerewe ikiri ikipe ye
Eng
RSS 
TANGA IGITECYEREZO