UEFA Champions League: Real Madrid yicaje Manchester City iriga, ikatisha itike ya 1/2

Uko umukino wagenze umunota ku munota:

Real Madrid izahura na FC Bayern Munich yasezereye Arsenal muri 1/2.

Umukino urangiye Real Madrid itsinze Manchester City penariti 4 kuri 3 ihita ikomeza muri 1/2 cya UEFA Champions.

Real Madrid

Rudiger arayinjije

Nacho arayinjije

Lucas Vazquez arayiteye arayinjiza

Jude Bellingham ariyiteye arayinjiza

Luka Modric arayiteye umunyezamu ayikuramo 

Manchester City 

Ederson arayinjije

Phil Foden arayinjije

Kovacic arayiteye umunyezamu ayikuramo 

Bernado Silva arayiteye umunyezamu ayikuramo 

Julian Alvarez arayinjije

Iminota 30 irangiye amakipe yombi anganya igitego 1-1 hagiye kwitabazwa penariti 

Agace ka kabiri kingeweho umunota 1

115' Abakinnyi ba Real Madrid kuri ubu bari gukina barwana no gukura imipira imbere y'izamu gusa kugira ngo barebe ko bagera kuri penariti 

111' Manchester City nayo ikoze impinduka mu kibuga havamo Emmanuel Akanji na Kevin De Bryne hajyamo Kovacic na John Stones 

109' Dani Carvajar avuye mu kibuga nyuma yo kugira ikibazo cy'imvune asimburwa na Eder Miltao 

Agace ka mbere kirangiye amakipe yombi akinganya igitego 1-1

105+1" Antonio Ruger arase igitego ku mupira abonye ari mu rubuga rw'amahina gusa awuhinduye atawuhagaritse unyura hejuru y'izamu 

Agace ka mbere k'iminota 15 kingeweho iminota 2

101" Vinicius Junior avuye mu kibuga asimburwa na Lucas Vazquez

98' Phil Foden arase uburyo bwabazwe imbere y'izamu ku mupira waruzamuwe na Bernado Silva yaramuhaye gusa awuburira mu maguru 

94' Manchester City ikomeje guhererekanya umupira neza ishaka igitego cya 2

91' Manchester City itangiye ikora impinduka mu kibuga havamo Erling Haaland hajyamo Julian Alvarez 

Iminota 90 y'umukino irangiye amakipe yombi anganya igitego 1-1 hagiye kwitabazwa iminota 30 y'inyongera 

90+2' Real Madrid yaribonye amahirwe ku mupira Vinicius yarabonye gusa atinda kuwutanga 

Umukino wongeweho iminota 4

88' Brahim Diaz yari yirukankanye umupira gusa Rodri ahitamo kumukurura bituma ahabwa ikarita y'umuhondo 

83' Real Madrid yongeye gukora impinduka mu kibuga havamo Rodrigo hajyamo Brahim Diaz 

81' Kevin De Bryne akomeje kuzonga Real Madrid,yongeye kubona umupira ari mu rubuga rw'amahina arekura ishoti ariko ku bw'amahirwe macye rinyura hejuru y'izamu gato 

79' Carlo Ancelotti utoza Real Madrid akoze impinduka mu kibuga havamo Toni Kross hajyamo Luka Mudric 

75' Manchester City ibonye igitego cyo kwishyura ku mupira uhinduwe na Jeremy Doku maze Rudiger awukuraho usanga Kevin De Bryne awutereka mu nshundura 

72' Pep Guardiola utoza Manchester City akoze impinduka mu kibuga havamo Grealish hajyamo Jeremy Doku 

70' Real Madrid irimo iracungura ku kwirukana imipira yaribonye igitego cya 2 ku mupira Rodrigo ahinduye ashaka Vinicius Junior imbere y'izamu gusa Ederson arasohoka aruwumutanga

68" Ikijyanye no guhererekanya Kiri kubarizwa kuri Manchester City gusa kubona igitego biri kugorana 

59' Dany Carvajar yarazamukanye umupira yiruka gusa Jack Grealish amutereka hasi maze umusifuzi amuha ikarita y'umuhondo ananga kufura itagize icyo ibyara

56' Manchester City ikomeje kwisirisimbya imbere y'izamu rya Real Madrid gusa kubona aho yamenera ngo itsinde igitego cyo kwishyura byabaye ikibazo 

50' Myugariro wa Real Madrid,Nacho yarakoze amabara ananiwe  kumvikana n'umunyezamu agiye kwitsinda gusa ahita akosora amakosa ashyira umupira muri koroneri 

49' Rodrigo ashatse gutungura umunyezamu arekura ishoti riragenda rinyura hejuru y'izamu kure 

46' Igice cya kabiri gitangiye n'ubundi Manchester City iri hejuru ishaka kwishyura ku bubi no kubwiza

Igice cya mbere kirangiye Real Madrid iyoboye n'igitego 1-0

Igice cya mbere cyongeweho iminota 2 y'inyongera 

43' Kevin De Bryne azamuye koroneri yajyaga mu izamu gusa Lunin aratabara umupira awusubiza muri koroneri 

40' Rodrigo aryamye hasi nyuma yo kugongana na Kevin De Bryne ari kwitabwaho n'abaganga 

35' Manchester City iri kwatsa umuriro imbere y'izamu rya Real Madrid,Kevin De Bryne ahaye umupira mwiza Jack Grealish azamuka yiruka yinjira mu rubuga arekura ishoti gusa Rudiger aritambika umupira ujya muri koroneri 

30' Real Madrid irimo irakoresha uburyo bwo kwirukankana imipira binyuze kuri Vinicius Junior,kuri ubu arawirukankanye awuha Valverde gusa arawutindana ntiyagira icyo awumaza

26' Kevin De Bryne arekuye ishoti ryashoboroga guteza ibibazo Real Madrid ariko umunyezamu arishyira muri koroneri itagize icyo itanga 

23' Real Madrid yaritsinzwe igitego cya 2 habura gato ku mupira Vinicius yarahaye Carlvajar nawe  arekura ishoti gusa rifata mu birenge bya Jusko Gvardiol 

17' Manchester City irase igitego cyabazwe,Kevin De Bryne ahinduye umupira imbere y'izamu maze umunyezamu wa Real Madrid arikuramo umupira uhita usanga Erling Haaland ashyiraho umutwe uragenda ukubita igiti cy'izamu 

16' Nyuma yo gutsindwa ikipe ya Manchester City irimo irashaka uko yakwishyura yongera kwiharira umupira 

11' Real Madrid ifunguye amazamu ku mupira Vinicius Junior ahinduye imbere y'izamu maze usanga Rodrigo arekura ishoti, umunyezamu arikuramo gusa umupira urongera uramugarukira ahita awuterekamo mu nshundura 

10' Real Madrid nayo itangiye kwinjira mu mukino,uwitwa Vinicius Junior arekuye ishoti gusa Ederson awufata bumworoheye

3' Abakinnyi ba Manchester City bisuhije umupira barimo barawuhererekanya gake gake babikorera mu rubuga bwabo 
1' Umukino utangijwe n'abakinnyi ba Manchester City gusa bahise bawutakaza

Abakinnyi 11 ba Manchester City babanje mu kibuga:

Ederson

Walker

Akanji

Dias

Gvardiol

Rodri

De Bruyne,

Silva

Foden

Grealish

Haaland

Abakinnyi 11 ba Real Madrid babanje mu kibuga:

Lunin

Carvajal

Rüdiger

Nacho

Mendy

Valverde

Camavinga

Kroos

Rodrygo

Bellingham

Vinícius

Umukino ubanza waberaga kuri Santiago Bernabeu warangiye amakipe yombi anganyije ibitego 3-3. 

Ni ibitego byatsinzwe na Ruben Dias witsinze, Rodrigo na Valverde mu gihe Manchester City yo yari yatsindiwe na Bernado Silva ,Foden ndetse na Gvardiol.

Ikipe ya Real Madrid kugira ngo ikomeze birasa nkaho bigoranye kuko ubu irasabwa gutsinda cyangwa ikanganya bakajya kuri za penariti kandi ntabwo ifite Aurelien Tchouaméni wanafashije mu mukino ubanza ariko akaba yarabonye ikarita ya 5 y'umuhondo.

Imibare yerekana ko inshuro 10 z'iyi mikino yo gukuranwamo ya UEFA Champions League ikipe Real Madrid yananiwe gutsindira mu rugo umukino ubanza,yashoboye gukomeza inshuro 2 gusa.

Mu mwaka ushize ubwo aya makipe nabwo yari yahuriye hano maze umukino ubanza ubera muri Espagne banganya igitego 1-1 gusa uwo kwishyura Manchester City inyagira ibitego 4-0.

Imibare yerekana ko mu mikino 3 yose iheruka Manchester City yakiriyemo Real Madrid yose yayitsinze.

Ubwo bivuze ko Manchester City iramutse itsinze uyu mukino yahita iba imikino 4 idatsindirwa na Real Madrid mu rugo muri Champions League. 

Ibi byakozwe n'ikipe imwe gusa hagati ya 2000-2002 ya FC Bayern Munich ubwo yatozwaga n'umutoza witwa Ottmar Hitzfeld.

Iyi ni inshuro ya 8 umutoza wa Manchester City,Pep Guardiola agiye guhura n'uwa Real Madrid,Carlo Ancelotti muri UEFA Champions League. Inshuro 6 murizo batozaga aya makipe n'ubundi.

Abatoza bahuye hagati yabo muri iri rushanwa inshuro zirenze izi 8,ni hagati ya Alex Ferguson na Hitzfeld ndetse na Jurgen Klopp na Carlo Ancelotti bo zikaba ari inshuro 9.

Inshuro 5 ziheruka Manchester City iheruka gukinamo na Real Madrid,habonetsemo ibitego 23.

Undi mukino wo kwishyura wa 1/4 cya UEFA Champions League wabaye  ni uwo ikipe ya FC Bayern Munich yari yakiriyemo Arsenal kuri Allianz Arena nyuma yuko umukino ubanza wari warangiye amakipe yombi anganya ibitego 2-2.

Uyu waje kurangira FC Bayern Munich itsinze igitego 1-0 ihita isezerera Arsenal ku kinyuranyo cy'ibitego 3-2.

Ibyishimo byari ibyishimo ku ikipe ya Real Madrid nyuma yo gusezerera Manchester City