RFL
Kigali

ESB Kamonyi yihariye imyanya ya mbere mu mikino y'Amashuri Kagame Cup

Yanditswe na: Aloys Niyonyungu
Taliki:27/02/2024 8:54
0


Ikigo cy'amashuri cya ESB Kamonyi, cyirahiye imyanya ya mbere mu mikino y'amashuri Kagame Cup yasojwe mu mpera z'iki cyumweru ku rwego rw'akarere ka Kamonyi.



Kuri iki cyumweru tariki 25 Gashyantare, nibwo mu Karere ka Kamonyi hasojwe imikino y'umwaka w'imikino mu mashuri mu byiciro bitandukanye.  

Iyi mikino yabereye ku bibuga bitandukanye ndetse abanyeshuri berekana impano zabo, amakipe yabaye aya mbere niyo azahagararira akarere ka Kamonyi ku rwego rw'igihugu muri iyi mikino y'amashuri Kagame Cup.

Duhereye muri Volleyball y'abatarengeje imyaka 13,mu bahungu GS Nyamiyaga niyo yegukanye umwanya wa mbere itsinze EP Nyakabuye amaseti 2-0 mu gihe mu bakobwa ho ari GS Mpushi itsinze GS Rose Mystica.

Muri Basketball y'abatarengeje imyaka 13,mu bahungu Hope Dignity Academy niyo yegukanye umwanya wa mbere itsinze Crystal Fauntain Academy amanota 23-10 mu gihe no mu bakobwa Hope Dignity Academy ariyo yawegukanye nanone itsinze Crystal Fauntain Academy amanota 18-4.

Mu mupira w'amaguru w'abatarengeje imyaka 13,mu bakobwa umwanya wa mbere wegukanwe na GS Bitsibo itsinze GS St Michel Nyamirama ibitego 3-0 mu gihe mu bahungu ari GS St Michel Nyamirama itsinze GS Nyarubuye ibitego 6-0.

Muri Basketball y'abatarengeje imyaka 20 ikigo cya ESB Kamonyi mu batarengeje imyaka 20, nicyo cyegukanye umwanya wa mbere mu bahungu , gitsinze St Ignace TSS. 

Ntabwo ari mu bahungu gusa kubera ko no mu bakobwa ikigo cya ESB Kamonyi n'icyo cyegukanye umwanya wa mbere gitsinze ES Marie Adelaide ku mukino wa nyuma.

Muri Volleyball mu bakobwa batarenge 20, ESB Kamonyi yegukanye umwanya wa mbere itsinze TSS St Ignace amaseti 3-0 mu gihe mu bahungu ho St Ignace yatsinze Runda amaseti 3-0.

Muri Netball mu bakobwa batarengeje imyaka 20,ES Marie Adelaide A niyo yegukanye umwanya wa mbere itsinze ES Marie Adelaide B.

Mu mukino wa Rugby ho mu bahungu batarengeje imyaka 20,Kayenzi TSS yegukanye umwanya wa mbere itsinze GS Bugoya ibitego 14-0.

Mu mupira w'amaguru mu bahungu batarengeje imyaka 20,Ecose Musambira niyo yegukanye umwanya wa mbere itsinze TSS Runda igitego 1-0.

Umuyobozi wa Karere ka Kamonyi,Dr Nahayo Sylvere yavuze ko hari uburyo bakurikirana abana bafite impano babashakira amakipe ndetse anatanga ingero ku bakinnyi baturuka muri Kamonyi bagenda babona amakipe akomeye barimo nkuri muri Police FC ndetse n'uheruka kwerekeza mu Budage.

Padiri Majyambere Jean D'Amour ,umuyobozi wa siporo mu mashuri yo mukarere ka Kamonyi, yavuze ko kuri ubu siporo yo mu karere ka Kamonyi ihagaze neza ndetse ko biteguye no kugera kure nk'uko babigenje mu mwaka ushize.

Yagize ati "Ubu ngubu siporo ihagaze neza mu karere ka Kamonyi ,nko mu mwaka ushize twari dufite amakipe agera muri 6 yasohokeye igihugu tujya mu mikino ya FEASSA no ku rwego rw’igihugu twatwaye hafi ibikombe bigera ku 8. Ni ukuvaga ko muri rusange imeze neza ubu icyo twiteguye ni ukongera guhatana tugira ngo tuzagire aho tugera".


Amakipe azahagararira akarere ka Kamonyi mu mikino y'Amashuri Kagame Cup yaramenyekanye










TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND