Umuhanzikazi w'icyamamare, Selena Gomez, yahishuye ko agiye guhagarika gukora umuziki amazemo imyaka 15 . Yatangaje ko asigaje gusohora album imwe gusa agahita ava mu muziki akibanda mubyo gukina filime.
Selena Gomez umuhanzikazi akaba n'umukinnyi wa filime uri mu bakomeye muri Leta Zunze Ubumwe za Amerika, wanigaruriye imitima ya benshi kuva mu 2008 binyuze mu bihangano bye yatangiye gusohora akiri muto. Kuri ubu yamaze gutangaza ko yenda guhagarika umuziki.
Ibi yabitangarije mu kiganiro 'Smartless' kinyura kuri televiziyo mpuzamahanga ya E!News, aho yakomoje ku kuba ibyo gukora umuziki bitakimushishikaje ndetse anatangaza icyo yifuza gukora namara kuwuhagarika.
Mu magambo ye yagize ati ''Ntabwo numva muri njye ngifite inyota yo gukora umuziki, ntabwo bikinshishikaje kandi maze igihe numva nawuhagarika burundu. Ubu rero ngiye gutunganya album ya nyuma nzaha abafana mbasezera kuko umuziki nshaka kuwuhagarika burundu''.
Gomez utagishishikajwe no gukora umuziki, agiye kuwuhagarika nyuma y'imyaka 15
Selena Gomez w'imyaka 31 yakomeje agira ati ''Kuririmba nabitangiye igihe kimwe natangiriye gukina filime ariko urukundo n'ubushake mfitiye sinema biruta uko nkunda umuziki. Ubu ndashaka gukomeza gukina filime ntakindi kintu mbifatanije, umuziki no gukora ibitaramo ntabwo nzabikomeza''.
Ubwo yabazwaga igihe nyacyo azasohorera album ye ya nyuma akava mu muziki, Selena Gomez yasubije ko uyu mwaka wa 2024 aribwo yifuza kuyisohora ndetse yanavuze ishobora kujya hanze vuba ku buryo uyu mwaka uzarangira nawe yamaze gushyira akadomo ku rugendo rwe mu muziki.
Selena Gomez arifuza kwibanda mu gukina filime gusa nyuma yo guhagarika umuziki
Uyu muhanzikazi wamamaye mu ndirimbo nka 'Come & Get It'. 'The Heart Wants What It Wants', 'Same Old Love' n'izindi, agiye gusezera umuziki nyuma y'igihe gishize atakiwukora nka mbere dore ko alubumu aheruka gusohora yitwa 'Rare' yayisohoye mu 2016 ari nabwo aheruka ku rubyiniro.
Eng
RSS 
TANGA IGITECYEREZO