Thomas Muller w'imyaka 34 y'amavuko, yongereye amasezerano y'umwaka umwe akinira Bayern Munich, azamugeza muri 2025.
Thomas Muller azwi muri Bayern Munich ubuzima bwe bwose. Yatangiye urugendo rwo gukina nk'uwabigize umwuga muri 2008, kuri ubu amasezerano ye azamugeza muri 2025.
Ibyo kongera amasezerano kwa Thomas Muller, byatangwajwe na Perezida wa Bayern Munich Herbert Hainer wagize ati "Bayern Munich ntabwo dushobora gukora ikosa ryo gutakaza abakinnyi bacu bazi ikipe by'umwihariko Thomas Muller".
Thomas Muller ni umwe mu bakinnyi babumbatiye amateka ya Bayern Munich. Yayifashije gutwara Germany Bundesliga 12, UEFA Champions League ebyiri, ibikombe by'igihugu bitandatu na Super Cup zo mu Budage Umunani.
Kuri ubu Thomas Muller nubwo ari gusaza, afite akazi gakomeye ko kugarura Bayern Munich ku mwanya wa mbere, dore ko usigaye warigaruriwe na Bayer Leverkusen irusha Bayern Munich amanota ane.
Thomas Muller yongereye amasezerano muri Bayern Munich azarangira muri 2025
Thomas Muller ni umwe mu bakinnyi babumbatiye amateka ya Bayern Munich, akaba yarayifashije gutwara ibikombe bitandukanye
Eng
RSS 
TANGA IGITECYEREZO