RFL
Kigali

Real Madrid yabonye Kapiteni mushya

Yanditswe na: Aloys Niyonyungu
Taliki:8/06/2023 15:06
0


Ikipe ya Real Madrid yatoye Umunya-Espagne, Nacho Fernandez nka kapiteni mushya nyuma y'uko uwari Kapiteni wayo Umufaransa Karim Benzema asohokeye muri iyi kipe akerekeza muri Al-Ittihad yo muri Arabie Saoudite.



Biteganyije ko Nacho Fernandez w'imyaka 33 uri kurangiza amasezerano ye, azahabwa andi masezerano y'umwaka umwe azamugeza mu mwaka wa 2024 akinira  iyi kipe yo  muri Espagne nk'uko Breacher Reports yabitangaje.

Ibi bije binyomoza amakuru yerekezaga Nacho muri Inter Milan yo mu Butaliyani nyuma yo kurangiza amasezerano ye muri uyu mwaka ariko Carlo Ancelotti yahisemo kugumana n'uyu mukinnyi.

Nacho Fern├índez wanavukiye mu murwa mukuru  wa Madrid, yakuriye muri iyi kipe anakina mu bato bayo batarengeje imyaka 11 ndetse mu mwaka wa 2013 yahise ashyirwa mu ikipe ya nkuru.

Nacho asimbuye kuri uyu mwanya Karim Benzema w'imyaka 35, wari waragizwe kapiteni wa kabiri wungije muri 2021 nyuma y'igenda rya Sergio Ramos, umwanya yamazeho umwaka umwe mbere yo kuba kapiteni mukuru asimbuye Marcelo Vieira.

Uyu mugabo ukinishwa ku myanya myinshi cyane cyane iyo mu bwugarizi, azungirizwa n'Umunya-Croatia Luka Modric, Umunya-Espagne Dani Carvajal, ndetse n'Umudage Toni Kroos uzaba ari kapiteni wa kane wungirije.

Karim Benzema warusanzwe ari Kapiteni wa Real Madrid ariko akaba yaramaze kuyivamo


Nacho Fernandez wasimbuye Karim Benzema ku mwanya w'umuyobozi w'abakinnyi ba Real Madrid







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND