Hafi ibihumbi 3000 nibo maze kwiyandikisha muri Kigali International Peace Marathon

Hasigaye iminsi 5 gusa kugira go  isiganwa ngarukamwaka ryitiriwe Amahoro (Kigali international Peace Marathon) ribe kunshuro yaryo ya 18. Ni isiganwa rizaba tariki 11 Kamena, abasiganwa bakazakina mu byiciro 3 aribyo, abasiganwa ibirometero 42, (Full Marathon), abazasiganwa ibirometero 21 (Half Marathon), ndetse n'abazasiganwa binezeza (Run for Peace).

Igikorwa cyo kwiyandisha muri ibi byiciro tuvuze haruguru, kirakomeje aho ubundi abantu bari basanzwe biyandikisha baciye kuri internet, gusa kuva kuri uyu wa Kabiri, abiyandikisha bashobora no kujya ku cyicaro cy'ishyirahamwe ry'imikino ngororamubiri bakaba babandika bisanzwe.

Run For Fun ni kamwe mu gace k'isiganwa kagize Kigali International Peace Marathon 

Imibare igezweho igaragaza ko abantu basaga 1162 aribo bamaze kwiyandikisha muri Half Marathon, Full Marathon ikaba abantu bagera kuri 389 aribo bamaze kwiyandikisha, naho abantu bagera ku 1297 nibo bamaze kwiyandikisha mu gusiganwa bishimisha, bivuze ko abantu bagera ku 2848.

Muri aba bakinnyi abagera kuri 522 nibo banyarwanda biyandikishije muri Half Marathon abagera ku 114 nibo bamaze kwiyandikisha muri Full Marathon naho abagera kuri 998 biyandikisha muri Run for Peace. Bose hamwe bakaba  1634. 

Kwiyandikisha

Abanyamahanga bishyura 30$ yo kwiyandikisha, ababa mu Rwanda bakishyura 5000 Frw. Abatuye mu bihugu byo mu Karere birimo Uganda, Tanzania, u Burundi, Kenya, Repubulika Iharanira Demokarasi ya Congo na Sudani y’Epfo bishyura 10$. Abanyarwanda bashaka gukina Full Marathon na Half-Marathon bishyura 5000 Frw naho abashaka gusiganwa bisanzwe [Run for Fun] biyandikisha ku buntu.

Nyuma yo kuzamura ibihembo, ubu uwa mbere muri ‘Full Marathon’ akaba azabona ibihumbi 20$ mu bagabo n’abagore.

Kigali International Peace Marathon ni isiganwa rya gatatu rihemba amafaranga menshi muri Afurika. Isiganwa rya mbere muri Afurika ni Marathon ya Nairobi ihemba ibihumbi 60$ ku mukinnyi wa mbere mu gihe iya Lagos ihemba ibihumbi 30$.

Mu 2022, Kigali International Peace Marathon yegukanywe n’Abanya-Kenya Wilfred Kigan na Margaret Agai mu bagabo n’abagore. Muri Half-Marathon hatsinze Umunya-Kenya, Shadrack Kimining Korir n’Umunyarwandakazi Musabyeyezu Adeline. Iri rushanwa ryari ryitabiriwe n’abarenga 3000 baturutse mu bihugu bitandukanye byiganjemo ibyo mu Karere. 

kuva iri siganwa ryakinwa bwa mbere mu 2005, ni ubwa mbere hagiye gutangwa ibihembo byo hejuru, ndetse bikaba bisobanuye ko hari abakinnyi batitabiraga amasiganwa yabanje bagomba kuza 

iminsi yagiye abashaka kwiyandikisha batanguranwa