Alejander Garnacho ngo yiteguye kwibaruka Enzo Garnacho

Uyu munya-Algentina w’imyaka cumi n’umunani watakira Manchester United anyuze ku ruhande rw’ibumoso, ari kuganzwa n’amarangamutima y’urukundo ku mbuga nkoranyambaga ze. Aha anavuga ko Manchester United iraza kunguka Garnacho muto muri iyi minsi.

Garnacho amaze iminsi yizihiwe no gushyira ku mbuga nkoranyambaga ze, amafoto aherekejwe n’ubutumwa bw’urukundo, ari kumwe n’uwo yihebeye Eva Garcia. 

Ifoto iherutse kuvugisha benshi ni iyo we na Garcia bari bafite umwambaro w’ikipe ya Manchester Unuted. Uwo mwambaro wari uw’uruhinja. Wari wanditseho nimero 49 n’izina Garnacho mu mugongo. Neza neza ni nimero yambarwa na Alejander Garnacho muri iyo kipe.

Garnacho na Eva boteguye kwibaruka Enzo Garnacho 

Uyu muhungu yinjiye muri Manchester United afite imyaka cumi n’itandatu muri 2020. Yatangaje ko we na Eva Garcia nibaramuka bibarutse umuhungu azitwa Enzo Garnacho. Ibi bikaba bihuye n’uko ari inshuti magara na Enzo Fernandez basanzwe bakinana mu ikipe y’igihugu ya Algentina.

Garnacho yanditse ku mbuga nkoranyambaga ze ati “Iyo ubuzima butangiye butangirira mu rukundo. Urukundo rwacu, ntabwo ruzashira. 

Iyo utekereje neza, ni igihe utekereza guhitamo uwo muzabana kuko ni icyemezo kikugiraho ingaruka mu buzima bwawe bwose. Iyo wahisemo neza uhura n’ingaruka nziza, iyo wahisemo nabi uhura n’ingaruka mbi'.

Garnacho yongereye amasezerano umukunzi we ahari 

“Ntabwo dushobora gusobanura ukuntu twiyumwa iyo dutekereje ukuntu Enzo navuka tuzaba tugeze ku nzozi zacu. Mu by'ukuri ni inzozi zikomeye twaroteye hamwe.

Ubu iminsi isigaye irabarirwa ku ntoki z’ikiganza ngo tube duhamagarwa Mama ndetse na Papa. Nyuma yo guhamagarwa gutyo maze turebane mu maso tuvugire rimwe tutu 'turagukunda Enzo wacu' ".

Alejander Garnacho na Eva Garcia ni abafiyanse bakiri bato. Bakundanye mu mwaka wa 2020 ubwo uyu musore ukomoka muri Algentina, yageraga muri Manchester United y’abakiri bato.

Kuri Instagram ya Garnacho amagambo y'urukundo ni uruyange

Umwanditsi:  ISHIMWE Walter