Ashten G wasaga na Kim Kardashian yitabye Imana ku myaka 34

Nyuma yo kwibagisha bimwe mu bice by’umubiri we, uyu mugore wakoreshaga izina rya Ashten G kuri Instagram, yapfuye kuwa 20 Mata 2023.

Uyu mugore wari ufite imyaka 34 yakurikirwaga n'abarenga ibihumbi 618 kuri Instagram. Yamamaye cyane kubera gusa n’umunyamideli wo muri Leta Zunze Ubumwe z’Amerika, Kim Kardashian.

Ubwo umuryango we watangazaga iby’urupfu rwe, wagize uti: ”Dutewe agahinda kenshi no kubagezaho inkuru y’akababaro y’urupfu rutunguranye rw’umukobwa n’umuvandimwe wacu Christina Ashten Gourkani.”

Umuryango we wahise unatangira kwegeranya ubufasha bwo kuzifashisha aherekezwa aho kugera ubu abagera kuri 38 bamaze gutanga miliyoni 3.7Frw mu gihe hacyenewe byibuze miliyoni 40Frw.

Banatangaje kandi ko hakiri gukorwa iperereza aho bishoboka ko atari urupfu rusanzwe ahubwo ko haba hari ikindi kibyihishe inyuma. Bagize bati: ”Urupfu rwe ruracyakorwaho iperereza ngo hamenyekane neza imvano yarwo.”Christina Ashten yasaga neza nka Kim Kardashian Yagiye yibagisha ibice by'umubiri mu bihe bitandukanye Gusa no kwitwara nka Kim Kardashian byatumye arushaho kwamamara Haracyakorwa iperereza ngo hamenyekane neza icyatumye yitaba Imana