Ikipe ya Polisi y'u Rwanda yegukanye igikombe cya EAPCCO Games itsinze ikipe ya Polisi y'u Burundi kuri penariti 5-3.
Wari umukino w'ishiraniro ikipe ya Polisi y'u Rwanda ihagarariwe na Police FC yagiye gukina yizeye kwegukana igikombe kuko umukino ubanza yari yatsinzwe ibitego 3-1 cya Polisi y'u Burundi ihagarariwe n'ikipe ya Rukinzo FC.
Polisi y'u Burundi niyo yafunguye amazamu ku munota wa 17 ku gitego cyatsinzwe na Hakizimana Tity aciye muri ba myugariro ba Police FC. Uyu Hakizimana Tity ni umwe mu bakinnyi bagoye cyane ikipe ya Police FC kuko no mu mukino wa mbere yari yatsinze igitego rukumbi ikipe ya Rukinzo FC yari yatsinze.
Police FC yagowe n'umukino wa kabiri kuko ikipe ya Rukinzo FC yari yamaze kumenyera ikibuga ndetse bamaze kuruhuka
Igice
cya mbere cyarangiye Rukinzo FC ifite igitego kimwe ku busa bwa police FC, gusa
ikipe ya Police FC ikaba yari igifite amahirwe yo kwegukana igikombe kuko yari
ifite igiteranyo cy'ibitego 3-2.
Ku
munota wa 82 w'igice cya kabiri, Mavugo ukinira ikipe ya Rukinzo FC yatsinze
igitego cya kabiri acenze umunyezamu wa Police FC atera umupira ukomeye
uruhukira mu nshundura Rukinzo iba itsinze igitego cya kabiri ku busa bwa
Police FC.
Iminota 90 y'umukino yarangiye Rukinzo FC ifite ibitego 2-0 bwa Police FC Umusifuzi yongeraho iminota 30 nabwo ntibyagira icyo bitanga.
Nyuma y'iminota 30, amakipe
yombi yakomeje kunganya igiteranyo cy'ibitego 3-3, amakipe ajya muri penariti,
ikipe ya Police FC yegukana igikombe cy'imikino ihuza Polisi zo mu karere
k'iburasirazuba itsinze Polisi y'u
Burundi kuri penariti 5-3.
Iri
rushanwa mu mupira w'amaguru ryitabiriwe n'amakipe abiri gusa, dore ko aya
makipe yari yakinnye umukino ubanza ku wa kabiri, Polisi y'u Rwanda itsinda
Polisi y'u Burundi ibitego 3-1.
Abakinnyi Police FC yabanje mu kibuga
Umutoza Mashami Vincent yateruwe n'abakinnyi bamushimira igikombe yegukanye
Rihungu yabaye umunyezamu mwiza kuko yatabaye ikipe ya Police FC akuramo penariti
Rihungu arimo yandurura penariti za Rukinzo FC
TANGA IGITECYEREZO