Ahabanza Urukundo

Kanye West yatemberanye na Bianca barushinze nyuma y'iminsi atigaragaza-AMAFOTO

Yanditswe na: Nadia Kangabe
Taliki:23/02/2023 10:22 0

Nyuma y'igihe Kanye West atagaragara, yongeye kugaragara atemberana n'umugore we Bianca Censori baherutse kurushinga.

Kanye West Ye umuraperi w'umuherwe uzwiho kugira udushya amaze igihe atigaragaza nk'uko kuva yarushinga na Bianca Censori wahoze ari umukozi we. Kuri ubu uyu muraperi yongeye kugaragara atemberana n'uyu mugore we mushya mu mujyi wa Los Angeles.

Bitunguranye Kanye West w'imyaka 45 n'umugore we Bianca Censori w'imyaka 27 bagaragaye batemberana aho banafotowe bagura ikinyobwa cya 'Energy' mu iduka ndetse bakanatembera bakinywa. Iyi ni inshuro ya kabiri Kanye West yagaragara mu ruhame kuva umwaka wa 2023 watangira.

Hari hashize iminsi benshi ku mbuga nkoranyambaga bibaza impamvu Kanye West atakigaragara kuva yarushinga n'umugore we mushya Bianca Censori, aho byavugwaga ko uyu mugore ariwe waba waramubujije kongera gukoresha imbuga nkoranyambaga dore ko atari yorohewe nazo mu mwaka wa 2022.

Kanye West na Bianca Censori barushinze muri Mutarama 2023 mu birori byagizwe ibanga rikomeye bikaza gutangazwa hashize icyumweru bibaye.

Bianca Censori yahoze akorera Kanye West muri kompanyi yashinze yitwa 'Yezzy' ikora inkweto n'imyenda. Uyu ni umugore wa kabiri Kanye West ashatse nyuma yo gutandukana na Kim Kardashian.

Kanye West yatemberanye n'umugore we nyuma y'iminsi atigaragaza