BePawa
Kigali

Uganda: Hagaragaye umuntu wahitanywe na Ebola

Yanditswe na: Dushime Nina Cynthia
Taliki:20/09/2022 10:42
0


Muri Uganda hagaragaye umuntu wahitanywe n'icyorezo cya Ebola, cyaherukaga muri iki gihugu muri 2012.



Amakuru dukesha BBC aravuga ko umugabo w'imyaka 24 wari utuye mu mudugudu wa Ngabano mu Karere ka Mubende muri Uganda, mu bikometero 147 uvuye mu murwa mukuru Kampala, yapfuye kuwa Mbere azize indwara ya Ebola nk'uko byemejwe n'abashinzwe ubuzima muri iki gihugu.

Muri Uganda hagaragaye umuntu wahitanywe n'icyorezo cya Ebola 

Umunyamabanga uhoraho muri Minisiteri y'ubuzima, Diana Atwine, yabwiye abanyamakuru ko uyu musore wapfuye yerekanye ibimenyetso by'uko arwaye Ebola mbere y'uko imuhitana, birimo kugira umuriro mwinshi, gucibwamo, ububare bwo mu nda kandi aruka amaraso, gusa mbere akaba yari yabanje kuvurwa malariya.

Ishami ry'Umuryango w'Abibumbye ryita ku Buzima, OMS, ryatangaje ko ubu bwandu bwa Ebola bwemejwe n'ikigo cy'ubushakashatsi mu bijyanye na virusi muri Uganda. Biravugwa ko hari n'abandi bantu umunani bagaragaje ibimenyetso by'iyi ndwara bari guhabwa ubuvuzi.

Umuyobozi wa OMS muri Afurika, Bwana Matshidiso Moeti, yagize ati "Uganda ntabwo ari ubwa mbere ihuye niki cyorezo, "Bitewe n'ubuhanga bwayo, habayeho ubushakashatsi bwihuse kugira ngo babone iyi virusi, ndetse barashingira kuri ubwo bumenyi kugira ngo bahagarike ikwirakwizwa ry'iyi ndwara byihuse".






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND