USA: Umwarimukazi yasabiwe kwirukunwa kubera imiterere irangaza abanyeshuri-AMAFOTO

Umwarimukazi wo mu mashuri abanza mu gace ka New Jersey muri Leta Zunze Ubumwe za Amerika, yasabiwe n'ababyeyi barerera mu kigo yigishaho ko yakwirukanwa kubera ko afite imiterere irangaza abana babo aho kwiga bakirebera mwarimu wabo. 

Uyu mwarimukazi wigisha isomo ry'Ubugeni ndetse wiyise izina rya 'The Art Teacher' yaciye igikuba mu babyeyi by'umwihariko 'abamama' bafite abana yigisha aho basabye ko yakwirikanwa by'igitaraganya.

Nk'uko byatangajwe n'ikinyamakuru Hollywood Unlocked, ababyeyi barerera mu kigo uyu mwarimukazi yigishamo, bishyize hamwe bandika ibaruwa isaba ko uyu mwarimukazi ahagarikwa ku kazi byihuse. Impamvu bamusabiye ko yirukanywa ntaho ihuriye n'ibyakwirukanisha umwarimu ahubwo ifite aho ihuriye n'uko ateye.

Ababyeyi basabye ko uyu mwarimukazi yakwirukanwa kubera imiterere ye irangaza abanyeshuri

Imiterere y'umwarimukazi yateje impagarara mu babyeyi barerera aho yigisha

Uyu mwarimukazi yigisha ubugeni

Aba babyeyi bavuga ko imiterere ye y'uyu mwarimukazi atari iyo kujyana kwigisha abana kuko bamurangarira aho kugirango bige. Ikinyamakuru Daily Loud cyatangaje ko uyu mwarimukazi yahise agirwa igitaramo ku mbuga nkoranyambaga aho benshi bavugaga ko ntakibazo kirimo kuba afite imiterere myiza, mu gihe abandi bavugaga ko abanyeshuri yigisha bakiri bato batazi ibijyanye n'imiterere y'abakobwa.

Abakoresha imbuga nkoranyambaga ntibabona ikibazo kirimo kuba uyu mwarimukazi afite imiterere myiza

Umuraperi Peter Gunz yavuze ko yaha akazi uyu mwarimukazi akajya amwigisha

Daily Loud kandi yatangaje ko uyu mwarimukazi usanzwe ukoresha izina rya 'Toyboxdollz' kuri Instagram yahise ahanagura urukuta rwe kubera ababyeyi benshi bari bakomeje kumwandikira bamusaba ko yareka akazi ko kwigisha ahubwo akajya kumurika imideli kuko imiterere ye itaberanye n'ubwarimu.

Umwarimukazi yasabiwe kwirukanywa kubera imiterere ye irangaza abanyeshuri.