Umutesi Léa witabiriye Miss Rwanda 2021 agiye gukora ubukwe

Kuri uyu wa Mbere tariki 7 Kanama 2022, nibwo Umutesi yagaragaje ubutumire mu bukwe bwe na Peter bamaze igihe bari mu munyenga w’urukundo.

Impapuro z'ubutumire 'Invitation' zigaragaza ko ubukwe bw'aba bombi buzaba ku wa 2 Ukwakira 2022.

Gusaba no gukwa bizabera i Kigali mu busitani bwa Golden Garden (Rebero) saa tatu za mu gitondo n'aho gusezerana imbere y'Imana bizabera muri EAR Remera Anglican Church saa kumi z'amanywa.

Umutesi n'umukunzi we bavuga ko nyuma y'iyi mihango abatumiwe bazakirirwa muri Golden Garden ku i Rebero. Bati "Kuza kwanyu ni inkunga ikomeye."

Uyu mukobwa yahatanye muri Miss Rwanda 2021 ahagarariye Intara y’Amajyaguru. Ku 16 Nyakanga 2022, nibwo Umutesi yatangiye urugendo rushya mu rukundo nyuma y’uko umukunzi we amwambitse impeta amuteguza kurushinga.

Ni mu birori byabereye kuri Onomo Hotel ari kumwe n’inshuti ze n’abandi. Icyo gihe, Umutesi yanditse kuri konti ye ya Instagram, avuga ‘nabwiye Yego urukundo rw’ubuzima bwanjye Peter Nasasira’.

Uyu mukobwa yavuze ko yorohewe no kubwira Yego umukunzi we, amushimira kuba yaramuhisemo mu bandi bakobwa, yumvikanisha ko asobanuye buri kimwe mu buzima bwe bwa buri munsi.

Umutesi yavuze ko impeta yambitswe yamuzaniye ibyishimo mu buzima bwe, mbese ni we muntu wishimye cyane. 

Umutesi yagaragaje ‘invitation’ y’ubukwe bwe n’umukunzi we Peter Nasasira 

Ku wa 16 Nyakanga 2022, nibwo Peter Nasasira yambitswe impeta umukunzi we Umutesi 

Ibi birori byitabiriye n’inshuti n’abavandimwe byabereye kuri Onomo Hotel    

Umutesi yashimye umukunzi we wambitswe impeta y’urukundo, avuga ko byamworoheye kumubwira ‘Yego’ 

Ku wa 2 Ukwakira 2022, nibwo Umutesi azakora ubukwe na Peter Nasasira    

Peter Nasasira yashinze ivi ateguza umukunzi we kurushinga nk’umugabo n’umugore 

Uyu mukobwa asanzwe abarizwa muri kompanyi ya Kigali Protocal, ndetse ni umwe mu batangiranye nayo