Rutahizamu ukomoka mu gihugu cya Nigeria Sunday Oni Jimoh, wakiniraga ikipe ya Abia Warriors yo mu Cyiciro cya Mbere muri icyo gihugu, yamaze gusinya amasezerano y'imyaka ibiri muri Rayon Sports, nyuma yuko iyi kipe yifuje ko umunya-Mali Moussa Camara ayigarukamo ariko ntibumvikane.
Mu gitondo cyo kuri uyu wa Gatatu tariki ya 18 Ugushyingo 2020, nibwo Rayon Sports yatangaje ko yamaze gusinyisha rutahizamu w’umunya-Nigeria Sunday Jimoh i amasezerano y’imyaka ibiri.
Mu cyumweru gishize, nibwo uyu rutahizamu yageze mu Rwanda avuye muri Nigeria, kugira ngo asimbure Camara wari wijejwe Abrayon ariko bikarangira batumvikanye n'ubuyobozi bw'iyi kipe.
Oni Jimoh yatsinze ibitego bitandatu kuva ageze muri Abia Warriors birimo bitanu yatsinze mu mwaka ushize w’imikino wa 2019/20 na kimwe yatsinze mu 2019.
Oni Jimoh yakiniye Abia Warriors kuva muri Gashyantare 2018, ni nyuma y’uko yari amaze gutandukana na FC Ifeanyi Ubah yakiniraga.
Jimoh abaye umukinnyi wa kabiri mushya usinyishijwe na Komite Nyobozi nshya ya Rayon Sports nyuma y’Umunya-Côte d’Ivoire, Jean Vital Ourega watiwe muri TP Mazembe.
Sunday Jimoh yasinye amasezerano y'imyaka ibiri muri Rayon Sports
Rutahizamu Jimoh ari kumwe na Perezida wa Rayon Sports Uwayezu
Jimoh yifotozanya na bamwe mu bagize komite ya Rayon Sports
Eng
RSS 
TANGA IGITECYEREZO