Jay-Z, Beyonce, Sarkozy, David Beckam n'ibyamamare byinshi bagaragaye mu mukino wahuje PSG na FC Barcelona-AMAFOTO

Abanyamuzika b’abanyamerika basanzwe bakurikiranwa n’imbaga ninini y’abakunzi babo ku isi aribo Beyonce n’umugabo we umuraperi Jay Z ni bamwe mu bagaragaye muri uyu mukino baherekejwe n’umukinnyi w’umwongereza wakanyujijeho David Beckam.

Beyonce, Jayz na David Beckam bakurikiranye umukino wose. Bagafotozi nabo bakaba babahozagaho ijisho

Amakuru avuga ko David Beckam wahoze akinira ikipe ya Paris Saint Germain ariwe wahaye ubutumire aba banyamuzika kuri ubu baherereye mu mujyi wa Paris mu iserukiramuco ry'imideli rimaze iminsi rihabera

N'ubwo bari bahanze amaso umukino, Jayz yanyuzagamo akareba akana ko mu jisho umugore we Beyonce akamuganiriza

Uretse Beyonce, Jay-Z na David Beckam, muri uyu mukino warangiye Paris Saint Germain ibashije gutsinda FC Barcelona ibitego 3-2, hanagaragaye umukinnyi nawe wakanyujijeho mu mupira wa maguru ukomoka mu Buholande witwa Patrick Kluivert tutibagiwe Nicolas Sarkozy wahoze uyobora u Bufaransa(2007-2012).

David Beckham na Patrick Kluivert baganira kuri uyu mukino wo mu itsinda F wahuje amakipe bombi bigeze gukinira

Kuba ibi byamamare byose byari biteraniye muri stade ya Parc des princes mu murwa mukuru w’u Bufaransa i Paris, byatumye uyu mukino wahuzaga aya makipe asanzwe afite amateka akomeye ku mugabane w’u Burayi urushaho kwizihira abawukurikiranaga haba abari bari muri stade ndetse n’abawukurikiranaga ku mashene yabo atandukanye ya televiziyo.

JayZ na Nicolas Sarkozy bari bahuje urugwiro cyane

Ibinyamakuru bitebya by byagiye bigaruka cyane kuri iyi foto bivuga ko Nicolas Sarkozy yasabiraga ubufasha umugore we Carla Bruni Sarkozy usanzwe ari umuhanzikazi, bwo kuba yakorana bya hafi na Jayz na Beyonce mu kumenyekanisha impano ye

By’umwihariko abakunzi b’ikipe ya Paris Saint Germain bikaba byari ibyishimo bikomeye kuri bo kuko n’ubwo batari bafite rutahizamu wabo Zlatan Ibrahamovic babashije gukorera amateka kuri FC Barcelona dore ko kuva mu mwaka wa 2006 badatsindirwa n’ikipe iyo ariyo yose ku kibuga cyayo mu mikino yo ku mugabane w’u Burayi.

Messi aha yarahanganiye umupira na Thiago Motta na Edinson Cavani

Uyu mukino ntiwari woroshye

Ikipe ya Paris Saint Germain mu byishimo nyuma y'umukino

Tubibutse ko ibitego bitatu bya Paris Saint Germain byatsinzwe na David Luiz, Verratti, Matuidi naho FC Barcelona yo ikaba yatsindiwe na Messi na Neymar ibitego bibiri babashije kwinjiza.

Nizeyimana Selemani