Irebe Model Agency ifatanyije na Top Tower Hotel bateguye igitaramo cy'imideri cyiswe "Friday Fashion Show"

Iki gitaramo kizajya kiba buri wa gatanu usoza ukwezi, mu gihe cy’amezi 12 aho uri cyo hazajya herekanwa imideri ahanini hagamijwe guhuza abanyamideri n’abahanzi b’ibyo kwambara(Fashion Disegners)

Amir Mbera umuyobozi mukuru wa Irebe Model Agency itegura iki gikorwa

Nk'uko Amir Mbera umwe mu bayobozi ba Irebe Fashion Agency yabidutangarije,Friday Fashion Show ije ifite kandi intego nyinshi cyane zijyanye no kuzamura imideri mu Rwanda ku buryo yagera ku rugero n’indi myidagaduro igezeho, kuyikundisha abanyarwanda no kububakamo icyizere ku bakora imyenda (fashion designers) b’abanyarwanda ndetse no kuba babasha guha imirimo ababigize umwuga.

Franco Kabano ushinzwe guhuza ibikorwa muri Irebe Model Agency ahamya ko imyiteguro igeze kure dore ko 80% y'ibyo bateganya byose byarangiye

Iki gitaramo kizaba ku nshuro ya mbere kuri uyu wa gatanu usoza uku kwezi k’Ukwakira aho abanyamideri bo mu Irebe Fashion Agency bazasusurutsa abazacyitabira berekana imideri itandukanye. Iki gitaramo kandi kizitabirwa n’abakora imyenda(Fashion Designers) bakomeye nka Cynthia Rupari wo muri Rupari Agency, Christine Mbabazi wo muri Christine Collection Design, Muberarugo Diane wo muri D’S Dream Fashion Design na Janvier Ntwara Kereth Design.

Dore bamwe mu banyamideri bazacyitabira

Nadette Umuhoza

Moses Turahirwa

Eric Louis Sekamana

Logus Lilian

Remy Karangire

Allison Rotine

Iki gitaramo kizaba kuri uyu wa gatanu taliki ya 31 Ukwakira,2014 guhera saa kumi n’ebyiri z’umugoroba. Kwinjira ni amafaranga 10000 ugahabwa n’icyo kunywa. Hari ikandi n'ibihembo byateganyirijwe abantu 5 bazagura amatike bwa mbere. Uyishaka akaba yayisanga kuri Top Tower Hotel guhera kuri uyu wa kane saa saba z'amanywa

Photo:Chrris Kitoko

Denise IRANZI