RFL
Kigali

Nasabye kuva muri Manchester United nyuma y’imyitozo yanjye ya mbere – Alexis Sanchez

Yanditswe na: SAFARI Garcon
Taliki:4/09/2020 17:01
0

Rutahizamu ukomoka muri Chile ukinira ikipe ya Inter Milan, Alexis Sanchez, yatangaje ko nyuma y’imyitozo ya mbere yakoze akigera muri Manchester United, yabonye ko ishyamba atari ryeru bituma abaza abamuhagarariye niba batasesa amasezerano akava muri iyi kipe yari amaze iminsi micye asinyiye avuye muri Arsenal.



Ibi Sanchez yabitangaje nyuma yo kuva muri Manchester United yari yaramutije muri Inter Milan yo mu Butaliyani, ikamugura burundu nyuma yo kwishimira umusaruro yatanze mu gihe yari ahamaze.

Nyuma yo kuva muri Arsenal akerekeza muri Manchester United muri Mutarama 2018, Alexis Sanchez ntiyahiriwe muri iyi kipe kuko mu mikino 45 yayikiniye yatsinzemo ibitego 5 ariko nabwo ntiyitwaye neza ku buryo bwanyuze abafana ndetse n’abayobozi b’iyi kipe.

Atitaye ku mafaranga menshi yari yaremerewe kujya ahabwa ku cyumweru, Sanchez yatangaje nyuma y’imyitozo ye ya mbere muri Man.United yahise yifuza gusesa amasezerano akisubirira muri Arsenal cyangwa akerekeza ahandi.

Yagize ati "Ndashaka kubabwira ku bihe nanyuzemo muri United,ibintu byinshi byavuzwe bigatuma mera nabi. Nabonye amahirwe yo kwerekeza muri United kandi n’ikintu cyanshimishije cyane kandi cyiza kuko nkiri muto nakundaga iriya kipe cyane.

Nayerekejemo ntazi amakuru ahagije ajyanye no kuyerekezamo.Umunsi wa mbere ndi kumwe na bagenzi banjye mu myitozo, rimwe na rimwe hari ibintu uba utiyumvisha kugeza ubigezemo.

Ku munsi wa mbere nabonye ibintu byinshi. Nkigera mu rugo nabajije abampagarariye nti "Ntabwo twarangiza amasezerano nkisubirira muri Arsenal? Bahise batangira guseka ariko mbabwira ko hari ikintu kitameze neza kuri njye. Nari namaze gusinya".

Sanchez yavuze ko yababajwe cyane n’ukuntu muri Nzeri 2018 Mourinho yamukuye mu ikipe y’abakinnyi bari bagiye gukina umukino na Westham, umukino ukarangira batsinzwe 3-1.

Akaba yarabifashe nko guteshwa agaciro ku mukinnyi wari uri mu bakinnyi beza cyane muri Premier League mu mezi make ubwo yari mu ikipe ya Arsenal.

Sanchez yavuze ko yababazwaga cyane n’amagambo y’ibinyamakuru byamunengaga bikabije ari muri United bitazi neza ikibazo kiri mu ikipe.

Sanchez yatsinze ibitego 80 mu mikino 166 yakinnye muri Arsenal mbere y’uko yerekeza muri United muri Mutarama 2018 aguranwe na Henrikh Mhkitaryan.

Kuri ubu Sanchez abarizwa muri Inter Milan yo mu Butaliyani nyuma yo kuyikinamo nk’intizanyo, iyi kipe ikaza kumushima ikamugura burundu.

Sanchez yatangaje ko ku myitozo ye ya mbere muri Man United yasabye gusesa amasezerano

Kuri ubu Sanchez akinira inter Milan





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND