Umuhanzi w’icyamamare muri Ethiopia Hachalu Hundessa yishwe arashwe bizamura imyigaragambyo i Addis Ababa

Uyu muhanzi nyuma yo kwicwa arashwe, ibi byatumye mu gitondo ku wa kabiri haba imyigaragambyo mu murwa mukuru i Addis Ababa. Hundessa, usanzwe ari n'impirimbanyi y'uburenganzira bwa muntu, nyuma yo kuraswa yajyanywe ku bitaro ariko biba iby'ubusa apfa azize ibikomere.

Minisitiri w'intebe muri Ethiopia, Abiy Ahmed yihanganishije umuryango wa Hundessa, avuga ko yari umuhanzi "w'igitangaza".Mu gitondo uyu munsi ku wa kabiri, abantu benshi bavuye mu bice bitandukanye bagana rwagati mu murwa mukuru Addis Ababa no ku bitaro bya St Paul kwigaragambya bamagana iyicwa ry'uyu muhanzi.

Polisi yakoresheje imyuka iryana mu maso mu gutatanya abigaragambya ,Mu biganiro yaherukaga gutanga mu itangazamakuru, uyu muhanzi yavuze ko yabwiwe kenshi ko azicwa ndetse hari ubwo yarokotse igikorwa cyo kumwica.

Amakuru avuga ko Internet yahise ifungwa mu gihugu kuva imyigaragambyo yatangira Abigaragambya barashinja leta uruhare mu kwica uyu muhanzi.Polisi yataye muri yombi abantu benshi bakekwaho kwica Bwana Hundessa.

Ubwoko bwa Oromo ni bwo bwa ba nyamwinshi muri Ethiopia. Bumaze igihe bwinubira gukumirwa muri politike no mu bukungu. Kuva mu mwaka wa 2016, Ethiopia yugarijwe n'amakimbirane n'urugomo bishingiye ku moko y'abatuye iki gihugu - ibintu byokeje igitutu leta.

Ubu bwicanyi bwamaganwe n'abayobozi ba Etiyopiya ndetse n'abenegihugu haba mu gihugu ndetse no hanze yacyo, aho benshi bagaragaje uburyo amagambo ye yo kwigaragambya ndetse n'umuziki wita kuri politiki byashishikarije abayoboke b'amoko ya Oromo yo muri iki gihugu kurwanya igitugu.

Nubwo ari ubwoko bunini bwa Etiyopiya, Oromos imaze igihe kinini yinubira ubukungu na politiki ya Ethiopia.

Src:Alzjazeera,nytimes,BBC