Itsinda ry’abanyeshuri bagera kuri 70 bo muri kaminuza ya Texas muri Austin bagiye kwinezeza muri Mexico, hanyuma bagarukana Coronavirus.
Mu byumweru bibiri bishize abanyeshuri bagera kuri
70 bo muri kaminuza ya Texas muri Austin bagiye muri Mexico mu biruhuko bose
bari mu kigero cy'imyaka 20, bafashe indege ikodeshwa yerekeza i Cabo San
Lucas, ndetse bamwe basubira mu ndege zitandukanye z'ubucuruzi berekeza Texas.
Kuri ubu, 44 muri bo bapimwe basanganwa coronavirus ndetse bashyirwa mu kato. Iri tsinda ry’abanyeshuri ba kaminuza birengagije umurongo ngenderwaho bajya mu ngendo z’ikiruhuko batahana coronavirus. Benshi muri bo basaga nk'aho bari kwibeshya ko urubyiruko rudashobora kwandura coronavirus nk’abantu bakuze.
Imyitwarire yo kutumvira, mu gihe amamiliyoni y'Abanyamerika n’ahandi hose abantu birirwa mu rugo bagahagarika ibikorwa byose, yagaragajwe na Brady Sluder, umusore ukiri muto aho yavuze ati “Niba ari ukurwara corona, nzayirware ariko ntabwo yambuza kwigira ku mucanga n’abandi”. Akimara kwandura yahise asaba imbabazi kuri Instagram avuga ko yakosheje kutubahiriza amabwiriza yashyizweho.
Umuyobozi w’agateganyo ushinzwe ubuzima mu mujyi wa
Austin n’intara ya Travis, Dr. Mark E. Escott yagize ati: “Nubwo abakiri bato bafite ibyago bike byo kwandura
coronavirus, ntibakingiwe indwara zikomeye n'urupfu rwa Covid-19 ni yo mpamvu
buri wese akwiye kwirinda”
Itsinda ry’abanyeshuri bagera kuri 70 bahagurutse ku kibuga cy’indege cya
Austin ku ya 14 Werurwe benshi muri bo bagaruka ku ya 19 Werurwe ubwo bazaga
bafite iki cyorezo.
Src: nytimes.com
TANGA IGITECYEREZO